Is-sharaǵa Ázerbaıjan, Belarýs, Qazaqstan, Qyrǵyzstan, Reseı, Tájikstan, О́zbekstan qorǵanys vedomstvolarynyń basshylary jáne TMD Qorǵanys mınıstrleri keńesiniń hatshysy qatysty.
Dástúr boıynsha otyrys 28 gvardııashy-panfılovshylar atyndaǵy saıabaqtaǵy Máńgilik alaýǵa gúl shoǵyn qoıý rásiminen bastaldy. Ásker úıinde qonaqtar Áskerı-tarıhı mýzeıdiń ekspozısııasymen tanysty.
Otyrysty asha otyryp, Qazaqstan Qorǵanys mınıstri avıasııa general-leıtenanty Dáýren Qosanov kezdesý kún tártibindegi ózekti máseleler boıynsha ózara is-qımyldy odan ári nyǵaıtýǵa jáne syndarly dıalogti jalǵastyrýǵa múmkindik beretinine senim bildirdi.
Jıyn barysynda TMD-ǵa múshe memleketterdiń 2025 jylǵa deıingi áskerı yntymaqtastyq tujyrymdamasyn iske asyrý máseleleri qaraldy.
Keńeske qatysýshylar ulttyq armııalardyń jaýyngerlik qabiletin damytý men nyǵaıtýdyń negizgi baǵyttaryn talqylap, áskerı qyzmetshilerdi daıarlaý, radıasııalyq, hımııalyq jáne bıologııalyq qaýipsizdikti qamtamasyz etý salalaryndaǵy tájirıbemen almasty. Sondaı-aq jeke quramdy tárbıeleýdiń mańyzdy bóligi retinde áskerı-patrıottyq jumystyń jáne jaýyngerler erlikterin este saqtaýdyń mańyzy atalyp ótti.
Otyrys qorytyndysynda qorǵanys mınıstrleri Keńestiń 2026 jylǵa arnalǵan jumys josparyna jáne yntymaqtastyqty odan ári damytý men jetildirýge baǵyttalǵan birqatar qujatqa qol qoıdy.
