Energetıka • 04 Qarasha, 2025

Almatydaǵy JEO-2-niń gazǵa qashan kóshiriletini belgili boldy

51 ret

kórsetildi

1 mın

oqý úshin

Almatydaǵy JEO-2 (TES-2) 2026 jyldyń 31 jeltoqsanyna deıin gazǵa kóshiriledi. Bul týraly Májilis depýtaty Sergeı Ponomarev málimdedi, dep jazady Egemen.kz.

Shyńǵys MUQAEV

Almatydaǵy JEO-2-niń gazǵa qashan kóshiriletini belgili boldy

Fotolar: ales.kz

Depýtattyń aıtýynsha, búginde stansa táýligine Ekibastuzdyń kúli turǵysynan zııany joǵary 80 vagon kómirin jaǵyp otyr, bul qalanyń aýa sapasyn nasharlatyp, turǵyndardyń densaýlyǵyna keri áser etedi.

«Keler jyldyń 31 jeltoqsanynda JEO-2 gazben jumys isteıdi. Bul – úlken ilgerileý», dedi Májilis depýtaty.

S.Ponomarevtyń sózinshe, Siemens tapsyrysy boıynsha týrbınalar men qazandyqtar AQSh-ta jasalyp, Atlant muhıty men Qytaı arqyly Almatyǵa jetkizilgen. Qazirgi ýaqyttta jabdyqtardy ornatý jumystary júrgizilip jatyr.

ales.kz

Energetıka mınıstrliginiń burynǵy málimetine sáıkes, 2026 jyly Almatynyń JEO-2 tolyqtaı gazǵa kóship, qýaty 557 MVt-qa deıingi parogazdy qondyrǵy (PGÝ) iske qosylyp, nátıjesinde zııandy nárselerdiń shyǵaryndylary jylyna 37,3 myń tonnadan 2,7 myń tonnaǵa deıin azaıady.

Jobanyń quny memlekettik saraptama qorytyndysy boıynsha 388 mlrd teńgeni qurap otyr.