Bastapqyda shtat assambleıasy múshesiniń qarapaıym bastamasy retinde bastalǵan bul naýqan qysqa ýaqyt ishinde tarıhı jeńisterge ulasty. Mamdanı táýelsiz kandıdat retinde qatysqan burynǵy Nıý-Iork shtatynyń gýbernatory Endrıý Kýomony bastapqy saılaýda jáne negizgi saılaýda da jeńip shyqty.
Seısenbi kúni keshki saǵat 9:00-de saılaý ýchaskeleri jabyldy. Bul saılaý qala tarıhyndaǵy eń joǵary daýys berý belsendiligimen erekshelendi. 2 mıllıonnan astam turǵyn daýys berip úlgergenin jazady álemdik BAQ.
Zohran Kvame Mamdanı (Zohran Kwame Mamdani) 1991 jyldyń 18 qazanynda týǵan. Demokratııalyq partııa men Amerıka Demokratııalyq Sosıalısteriniń múshesi. 2021 jyldan beri Nıý-Iork shtaty Assambleıasynyń 36-shy okrýginen, ıaǵnı Kýıns aýdanynyń Astorııa bóliginen saılanǵan depýtat bolyp qyzmet etip kelgen.
Qalanyń jańa meri Ýgandada úndi otbasynda dúnıege kelgen. Onyń anasy ataqty kınorejısser Mıra Naır, ákesi úndistandyq Ýganda akademıgi Mahmýd Mamdanı. Zohran Mamdanı 7 jasynda Nıý-Iorkke Ońtústik Afrıkadan qonys aýdarǵan. Al AQSh azamattyǵyn 2018 jyly alǵan.
Mamdanıdiń saıası mansaby 2020 jyly Nıý-Iork shtatynyń assambleıasyna saılanǵan tustan bastalǵan. Ol 2024 jyly Demokratııalyq partııadan 56,4 paıyz daýyspen praımerızdi jeńip, merlikke kandıdat retinde engen bolatyn.
