Foto: Ashyq derekkózden
Is birinshi satyda Qylmystyq kodekstiń 292-babynyń 3-bóligi (Abaısyzda eki nemese odan da kóp adamnyń ólimine ákep soqqan órt qaýipsizdigi talaptaryn buzý) boıynsha qaralyp, ALA Hostel dırektory Ádilbek Muhamedıarov 5 jylǵa, «Gıdservıs» kompanııasynyń ıesi Aleksandr Pekelnık 4 jylǵa bas bostandyǵynan aıyrylǵan bolatyn.
Apellıasııalyq kezeńde aıyptalýshylardyń qorǵaýshylary sot úkimimen kelispeıtinin aıtyp, sottalýshylardy aqtaýdy suraǵan. Olar ózderi keltirgen ýájder sot sheshim shyǵararda eskerilmegenin alǵa tartty.
Al memlekettik aıyptaýshy alǵashqy sheshimniń kúshin saqtaýdy surady.
Nátıjesinde Ádilbek Muhamedıarovqa qatysty úkim ózgerissiz qaldyrylyp, Aleksandr Pekelnıktiń jábirlenýshiler A. jáne A. esimdi azamattar paıdasyna 7 mıllıon teńge tóleý týraly sheshim kúshin joıdy.
