Oblystyq Polısııa departamentiniń málimetinshe, búginde aýylda 47 úı, 272 adam bar. Shaǵyn ǵana eldi meken bolǵanymen, ár úıdiń esigi aıqara ashyq, adamdardyń arasy jaqyn, biriniń qýanyshy – bárine ortaq. Munda bir mektep, medısınalyq pýnkt jáne kúndelikti turmysqa qajetti taýarlardy usynatyn jalǵyz dúken jumys isteıdi.
Mahambet aýdandyq polısııa bólimi Qoǵamdyq qaýipsizdik bólimshesi bastyǵynyń mindetin atqarýshy, polısııa maıory Aıdos Seıtqazıevtiń aıtýynsha, aýyldaǵy tynyshtyq pen tártip – adamdardyń ózara túsinistiginiń nátıjesi.
«Bıyl aýyl turǵyndary ózara kelise otyryp, ishimdik satýǵa da, ishýge de múlde tyıym salýdy uıǵardy. Qazir aýylǵa kelseńiz, tynyshtyq pen tatýlyq ornaǵan. Adamdardyń oı-sanasy ózgerip keledi – ishimdiksiz ómirdiń sáni men máni bar ekenin túsindi», – dedi polısııa maıory.
Qazir Atyraý oblysynda 50-den astam eldi meken ishimdikten bas tartqan. Mundaı aýyldarda qoǵamdyq tártiptiń deńgeıi joǵary, turǵyndar arasyndaǵy syılastyq ta berik. Eńbekshil aýylynyń ómir salty – qarapaıymdylyq pen tazalyqtyń jarqyn úlgisi. Osyndaı ónegeli aýyldar kóbeıse, elimizdiń bolashaǵy da jarqyn bolary sózsiz.
