9 qarasha kúni Qaraǵandy oblysy polısııa departamentine Astana qalalyq polısııa departamentinen urlanǵan jylqylar tıegen KamAZ júk kóligi Qaraǵandyǵa qaraı baǵyt alyp bara jatqany jóninde jedel aqparat kelip tústi. Temirtaý qalasyndaǵy blok-beketterdiń birinde tekseris júrgizip jatqan patrýldik polıseıler atalǵan kólikti toqtatty. Kólikti basqarǵan azamat Túrkistan oblysynyń 48 jastaǵy turǵyny eken.
«Tekseris barysynda júrgizýshi 45 jylqyny Stepnogorsk qalasynyń turǵynynan 13,5 mıllıon teńgege satyp alǵanyn aıtty. Jylqylardyń naqty ıelerin anyqtaý maqsatynda krımınaldyq polısııa qyzmetkerleri jylqylardy beınejazbaǵa túsirip, ár óńirdegi sharýa qojalyqtarynyń chattaryna jibergen», dep habarlady Qaraǵandy oblysy PD krımınaldyq polısııa basqarmasy bastyǵynyń orynbasary Meıirjan Slambekov.
Biraz ýaqyttan keıin Aqmola oblysynyń 54 jastaǵy turǵyny beınejazbadan ózine tıesili urlanǵan 27 jylqysyn tanyǵan. Atalǵan derek boıynsha qylmystyq is qozǵalyp, sotqa deıingi tergeý amaldary júrgizilip jatyr.
