Osy baǵytta qolǵa alynǵan «QazElastoPlast» zaýytynyń ashylýy – óńirdiń óndiristik áleýetin arttyrýǵa baǵyttalǵan naqty qadam. Zaýyt elimizdiń avtoóndirýshilerine qajetti avtokomponentter óndirisin jolǵa qoıýdy kózdeıdi.
Jobanyń ınvestısııa kólemi 600 mıllıon teńgeni quraıdy. Bul qarajat zamanaýı eýropalyq qural-jabdyqtardy satyp alýǵa, óndiris tehnologııasyn jetildirýge, joǵary sapaly ónim shyǵaratyn óndiris jelisin iske qosýǵa baǵyttaldy.
Kásiporyn jylyna 150 myń jıyntyq avtoónim shyǵarýǵa qaýqarly. Bul kórsetkish ishki naryqtaǵy suranysty tolyqtaı qanaǵattandyryp, shetelden ákelinetin ónimderge táýeldilikti aıtarlyqtaı tómendetedi.
Búginde zaýytta 30 adam turaqty jumyspen qamtylǵan, bul – jergilikti turǵyndarǵa mańyzdy áleýmettik qoldaý. Jumysshylardyń ortasha aılyq jalaqysy – 250 myń teńge. Bolashaqta óndiris kólemi artqan saıyn jańa jumys oryndary ashylyp, qyzmetkerler sany da kóbeıe túsedi.
Zaýytta shyǵarylatyn ónim túrleri avtomobıl ónerkásibiniń negizgi qajettilikterin qamtıdy. Tarqatyp aıtar bolsaq, termoelastoplasttan jasalǵan kilemsheler, túrli úlgidegi avtomobıl tósenishteri, shashyratqyshtar, tyǵyzdaǵysh rezeńke taspalar. Kásiporyn «Hyundai» markasynyń úsh modeline arnalǵan bólshekterdi shyǵaryp jatyr. Aldaǵy ýaqytta ónim túrlerin kóbeıtip, ónimdilikti arttyrýdy kózdep otyr.
Bul ónimder elimizdiń avtokólik qurastyratyn zaýyttaryna asa qajet. Buǵan deıin mundaı bólshekter negizinen Reseı, Qytaı, basqa da elderden ımporttalatyn. Endi «QazElastoPlast» zaýytynyń jumysy arqasynda otandyq avtoónerkásip tolyqqandy jergilikti ónimge súıenip jumys isteýge múmkindik alady.
Zaýyttyń ashylýy tek óndiristik salaǵa ǵana emes, áleýmettik baǵytqa da oń áserin tıgizedi. Jańa jumys oryndarynyń paıda bolýy – jergilikti turǵyndarǵa turaqty tabys kózi. Sonymen qatar kásiporynnan túsetin salyq túsimderi aýdandyq, oblystyq bıýdjetterdiń kirisin arttyryp, áleýmettik jobalardy qarjylandyrýǵa múmkindik beredi. Jambyl aýdany ákiminiń orynbasary Aqnıet Tumataev óz sózinde zaýyttyń ashylýy óńir ekonomıkasyndaǵy úlken jetistik ekenin atap ótti.
– Bul joba bizdiń aýdannyń óndiristik áleýetin arttyryp qana qoımaı, elimizdegi avtoónerkásiptiń damýyna jańa serpin beredi. Memleket tarapynan kórsetilip otyrǵan qoldaý nátıjesinde osyndaı zamanaýı kásiporyndar iske qosylyp jatyr. Bul ımportty almastyrý saıasatynyń naqty kórinisi. Qazybek aýyldyq okrýginde jalpy kólemi 960 gektardy quraıtyn ındýstrııalyq aımaq qurý josparda bar, – dedi ol.
«QazElastoPlast» zaýyty ónim sapasyna erekshe mán beredi. О́ndiris úderisinde ekologııalyq talaptarǵa saı, halyqaralyq standarttarǵa sáıkes keletin materıaldar qoldanylady. Zaýytta ornatylǵan zamanaýı tehnologııalar ónimniń uzaq merzimdiligin, beriktigin, qaýipsizdigin qamtamasyz etedi.
Kásiporyn mamandary úzdiksiz oqytýdan ótip, óndiris tehnologııalaryn jetildirýmen aınalysady. Bolashaqta zaýyttyń ǵylymı-zertteý bólimi qurylyp, jańa úlgidegi avtokomponentterdi ázirleý josparlanyp otyr.
Sarapshylardyń aıtýynsha, «QazElastoPlast» zaýyty elimizdegi avtokomponentter óndirisin jańa deńgeıge kóteredi. Bul otandyq avtoónerkásip úshin asa mańyzdy, sebebi qosalqy bólshekterdiń jergilikti óndirisi avtomobıl baǵasyn tómendetip, naryqtaǵy básekege qabilettilikti arttyrady. Sonymen qatar joba elimizdiń ındýstrııalyq-ınnovasııalyq damý baǵdarlamasyna tolyq sáıkes keledi, óńirlik ekonomıkany ártaraptandyrýǵa úles qosady.
Almaty oblysy
