Jalpy ósimniń 30%-y – ónerkásip sektorynyń enshisinde. Saýda men kólik salalarymen birge eseptegende bul kórsetkish 70%-dan asyp jyǵylady. Ekonomıkanyń tiregi sanalatyn taýar óndirý kólemi 8,2%-ǵa, al qyzmet kórsetý sektory 5,3%-ǵa artqan. Ásirese óńdeý ónerkásibindegi 5,8% ósim óndiristiń naqty baǵyttarynda ónim kóleminiń ulǵaıýymen tikeleı baılanysty. Máselen, mashına jasaý salasy 11,5%-ǵa, sonyń ishinde avtomobıl óndirisi 13,3%-ǵa, hımııa ónerkásibi – 10,9%-ǵa, azyq-túlik – 9,1%-ǵa, munaı ónimderi – 6,3%-ǵa, metall buıymdary – 14,1%-ǵa, qurylys materıaldary 5,3%-ǵa ósken.
Qurylys salasyndaǵy ósim iri ınfraqurylymdyq jobalardy júzege asyrýmen baılanysty bolyp otyr. Qurylys jumystary kóleminiń artýy 2025 jylǵy qańtar-qyrkúıektegi 14,9%-ben salystyrǵanda 15,1%-dy qurady.
Al aýyl sharýashylyǵy salasy maýsymdyq ósý kezeńine endi. Jalpy ónim kólemi qańtar-qyrkúıek aılarymen salystyrǵanda 5,4%-ǵa artty. О́simdik sharýashylyǵynda ósim 6,7%-ǵa, mal sharýashylyǵynda 3,4%-ǵa jetti. Jalpy ónim memlekettik qoldaý sharalarymen, agrotehnologııalardy saqtaýmen jáne egin jınaý kezindegi qolaıly aýa raıymen baılanysty bolyp otyr.
Birqatar óńirde dándi daqyldardyń ónimdiligi artty. Onyń ishinde Aqmola (+13,6%), Qostanaı (+14,9%), Pavlodar (+7,4%) oblystary bar. Sút óndirisi – 5,2%-ǵa, et óndirisi – 2,8%-ǵa, jumyrtqa óndirisi 1,4%-ǵa ósti.
Saýdada ósim deńgeıi 9%-dy qurady. О́sý qarqyny saladaǵy úlesi 66,5% bolatyn kóterme saýda kásiporyndarynda baıqaldy. Aınalym qarajatynyń ulǵaıýy Pavlodar, Atyraý oblystary men Astana qalasynda tirkelgen.
Sondaı-aq kólik salasynda da edáýir joǵary ósim tirkeldi. Barlyq kólik túri boıynsha tasymaldyń ósýine baılanysty kólik qyzmetiniń kólemi 20,7%-ǵa artty.
Joǵarydaǵy kórsetkishter el ekonomıkasynyń qurylymdyq turǵydan damyp, ártaraptandyrylyp jatqanyn aıǵaqtaıdy.
