Ǵalym Tólembekuly qazaq rýhanııatynyń damýyna uzaq jyl qyzmet etken tulǵa. Ol «Ulan» gazetinde basshylyq jasap, jas qalamgerlerdiń kásibı qalyptasýyna úles qosty. Keıin «Qazaqstan» teleradıokorporasııasyn basqardy. Osy kezeńde ulttyq medıanyń baǵyt-baǵdaryna áser etken birqatar jobany iske asyrdy.
«Qazaqtyń dástúrli 1000 áni» men «Qazaqtyń dástúrli 1000 kúıi» atty antologııalyq jınaqtardy daıyndady. Bul jobalar arqyly dástúrli mýzyka murasynyń aýqymdy bóligin jınaqtap usyndy.
Rejısser jáne ssenarıst retinde «Kıeli jerler» jáne «Joǵalǵan jaryq hronıkasy» atty derekti fılmderdi túsirdi. Bul týyndylarda tarıhı jáne rýhanı mazmun keńinen kórsetildi.
Marqumnyń otbasyna Mádenıet jáne aqparat mınıstrligi kóńil aıtý hatyn joldady.
«О́mirin sóz óneri men ult mádenıetine arnaǵan Ǵalym Tólembekulynyń jarqyn beınesi men ulttyq mádenıetimizge sińirgen eńbegi halyq jadynda saqtalady dep senemiz. Ultyna adal qyzmet etken azamattyń jany jánnatta, ımany salamat bolǵaı!», delingen habarlamada
