Tarqata aıtar bolsaq, bir top adam úsh jyl boıyna Almatydaǵy Arnaıy halyqqa qyzmet kórsetý ortalyǵynyń qyzmetkerlerimen jeń ushynan baılanysyp, olardyń kómegimen kólikterdi bastapqy tirkeý úshin belgilengen alymdardy tólemeı, tirkeýdi zańsyz júrgizip kelgen. Bul zańsyz áreketterin kólikterdi jalǵan tulǵalardyń atyna rásimdeý arqyly jasyryrǵan. Arnaıy halyqqa qyzmet kórsetý ortalyǵynyń qyzmetkerleri aqparattyq júıege jalǵan málimetter engizip, kólik quraldaryn zańsyz tirkeýdi qamtamasyz etken. Sonyń kesirinen 132 avtokólik zańsyz tirkeýge qoıylyp, memleketke 1,2 mlrd teńgeden astam zalal keltirilgen. Tergeý barysynda 273 mln teńge kólemindegi alymdar erikti túrde óteldi.
Sot úkimimen úsh kináli 3 jyldan 4 jyl 6 aıǵa deıingi merzimge bas bostandyǵynan aıyryldy, sondaı-aq qylmystyq jolmen alynǵan 7 avtokólik tárkilendi.
