Foto: Oqý-aǵartý mınıstrligi
Ata-analarǵa arnaıy daıyndyqtan ótken pedagogter men psıhologtar dáris beredi, eń kóp suranysqa ıe taqyryptar: «Tárbıeleý – jeke úlgi arqyly» jáne «Balalardyń qaýipsizdigi – eresekterdiń qamqorlyǵy». Bul sabaqtarda ata-analar senimdi nyǵaıtý, balamen emosıonaldy baılanys ornatý jáne táýekelderdiń aldyn alý boıynsha paıdaly keńester alady.
Oqý-aǵartý mınıstrliginiń málimetinshe, saýalnama nátıjeleri ata-analardyń balalarymen qarym-qatynasynyń jaqsarǵanyn kórsetip otyr. Zertteý suraqtaryna jaýap bergen ata-analardyń 72,6% balalarymen kúnde sóılese bastaǵanyn, 89,6% qıyndyqtarǵa der kezinde jaýap berip úırengenin, 78% balanyń ortasyn jaqsy tanı bastaǵanyn alǵa tartyp otyr. Árbir ekinshi ata-ana tárbıeleý tásilin qaıta qaraýǵa daıyn, al shamamen úshten biri balalardyń oqý jáne mádenı damýyna belsendi qatysa bastaǵanyn aıtady.
Aıta ketelik, ata-analarǵa pedagogıkalyq qoldaý ortalyqtary 2023 jyly «Adal Azamat» baǵdarlamasy sheńberinde eldegi barlyq mektepterde iske qosyldy.
