Foto: ashyq derekkóz
Janýarlarǵa jasalǵan klınıkaǵa deıingi tabysty zertteýlerden keıin qurama preparattyń ekinshi komponentine qatysty jańa, adam aǵzasy eń joǵarǵy sheginde kótere alatyn sál joǵary dozany qoldanýǵa ruqsat berildi. Bul doza emniń tıimdiligin arttyrýy múmkin degen boljam bar.
«Biz preparatty standartty hımııalyq terapııaǵa deıin qoldaný týraly eń mańyzdy sheshimge keldik. Buǵan deıin ony pasıentter birneshe kezeńdik hımııalyq terapııadan ótip, tym álsiregen kezde ǵana paıdalanatynbyz. Jańa tásildiń arqasynda preparattyń isikke jáne metastazdarǵa tikeleı áserin, sondaı-aq aǵzanyń ony qanshalyqty kótere alatynyn naqty baǵalaı alamyz. Bul – biz úshin strategııalyq sheshim. Sebebi preparat tıimdiligin anyqtaýdyń eń dál ári maqsatqa saı joly osy», dedi Dos Sarbasov.
