Sýret: kaz.zakon.kz
Olardyń kitaptary eki-aq myń tırajben shyǵady. Sony eki myń qazaqtyń ózi de oqymaıdy, kitaphanalarda shań basyp jatyr. «Adamdy adam etken kitap, adamzat etken – kitaphana» degen Ábish áýlıeniń sózi qaldy, ózi – joq!
Atamzamannan – osy parodoks! Qazaq halqy qazaq poezııasynan, kem degende 40-50 jyl keıin qalyp qoıdy. Bizdiń ádebıet oqyrmany joq ádebıet; Hakim Abaı ázer qalypqa túsirgen oqyrman qazaq tyńdarman qazaqqa aınalyp ketkeli qashan? Bárimizdiń mańdaıymyzǵa jazylǵan taǵdyr-talanymyz osyndaı bop tur. Biz qazir HHI ǵasyr emes, HIH ǵasyrda ǵumyr keship júrmiz! Olardy kózimen tintip, kóńilimen tushynyp oqymaǵan qazaq kúnderdiń kúni ulaǵatty ulttan topas tobyrǵa aınalyp ketýi múmkin, aqynnan aıyrylyp qaldyq dep, qabyrǵasy qaqyrap jatqan eldiń qulaǵyna altyn syrǵa; ulttyq tragedııa osy ǵoı.
Hosh, juldyzdardyń ishindegi jaryǵy, arýlardyń ishindegi aıaýlysy Kúlásh apaı! Sizge endi túktiń de keregi joq, Siz aqyndyq mıssııańyzdy abyroımen atqaryp, máńigilikke bet aldyńyz, Alla aldyńyzdan jarylqasyn! Arman joq Sizde! Arman – bizde... Ǵafý etińiz bizdi!
Serik AQSUŃQARULY,
Memlekettik syılyqtyń laýreaty
