Medıa ókili halyqaralyq basylymdarmen belsendi yntymaqtasyp, eýropalyq oqyrmanǵa elimizdi tanystyrady.
– Qazaqstan óziniń tabıǵatymen, qonaqjaılylyǵymen, damýǵa degen umtylysymen tereń áser qaldyrdy. Men bul el týraly Eýropada múmkindiginshe kóp adam bilgenin qalaımyn, – dep atap ótti Derıa Soısal.
2018 jyly «Kazakh Tourism» elimizge týrıstik baǵyt retinde halyqaralyq qyzyǵýshylyqty arttyrýǵa baǵyttalǵan «Týrızm elshisi» baǵdarlamasyn qolǵa aldy. Oǵan sheteldik týrızm ındýstrııasy, mádenıet pen bilim salasynyń ókilderi, medıa, sıfrlyq keńistiktegi mamandar qosylyp jatyr. Buǵan deıin qurmetti mıssııany áıgili ánshi Dımash Qudaıbergen, japon blogeri Iýdzı Natsýma, Qytaıdyń ınflıýenseri Taotao qabyldady.
