Sýret JI kómegimen jasaldy
Atyraý oblystyq bilim berý basqarmasy baspasóz qyzmetiniń málimetine súıensek, Beıbarys aýyldyq okrýginde kemirgishterdiń (tyshqandardyń) kóbeıgeni anyqtalǵan. Osyǵan baılanysty epıdemıologııalyq ahýaldyń nasharlaýyna jol bermeý, balalardyń densaýlyǵyn qorǵaý maqsatynda birqatar aldyn alý sharasy qabyldanǵan.
«Beıbarys aýyldyq okrýgindegi eki mektep pen eki balabaqsha bar. Oqýshylar dáris alatyn mekteptiń biri – A.Baıtursynuly atyndaǵy bilim ordasy, ekinshisi – Taldykól orta mektebi. Epıdemııalyq qaýiptiń aldyn alý úshin 19 qarashada atalǵan mektepter sabaq ýaqytsha qashyqtan oqý formatyna aýystyryldy. Dezınfeksııalyq jumystardy tolyq ári sapaly júrgizý úshin «Baldyrǵan jáne «Balaqaı» balabaqshasynyń qyzmeti ýaqytsha toqtatyldy», dep habarlady basqarmanyń baspasóz qyzmeti.
Sýret atyraýlyq jýrnalıst Janat Jaqsybaıqyzynyń áleýmettik paraqshasynan alyndy
Qazir arnaıy mamandandyrylǵan qyzmetter tarapynan dezınfeksııalaý, sanıtarııalyq baqylaý jumysyn júrgizý qolǵa alyndy. Mektepter men balabaqshalarda qaýip tolyq joıylǵannan keıin oqý-tárbıe prosesi qalypty rejımge aýystyrý kózdelip otyr.
«Oblystyq bilim berý basqarmasy jaǵdaıdy tolyq baqylaýda ustap otyr. Turǵyndardy resmı aqparat kózine senýge shaqyramyz», dep málim etti basqarmanyń baspasóz qyzmeti.
