Kartınanyń akterlik quramynda tanymal akterler men qazaqstandyq kınonyń jańa esimderi bar: Qobylandy Bolat, Ázız Beıshenalıev, Nurjan Sadybekov, Qaırat Ádilgereı, Bahtııar Qoja, Ramazan Ámirǵalıev, Nazar Sharhan, Asan Májıt jáne basqa da akterler.
Premera aldynda rejısser Nurjan Erkinuly Astananyń serıaldyń nýar stılindegi vızýaldy tiline qalaı áser etkenin baıandap berdi.
«Kadrdaǵy sýyq palıtra keıipkerlerdiń kúıine, is-áreketine tikeleı yqpal etedi. Bul jerde qala – jaı fon emes, oqıǵanyń tolyqqandy qatysýshysy», – dedi ol.
Rejısserdiń aıtýynsha, túsirilim tolyǵymen Astanada ótken, sondyqtan kórermender qalanyń kóptegen tanymal lokasııalaryn kóre alady.
Vızýaldy sheshim men tústik óńdeýge Gollıvýdta 30 jyldan astam tájirıbesi bar maman Djeff Olm jaýapty bolǵan. Ol Disney, DreamWorks, Sony Pictures, Warner Bros. stýdııalarymen jumys istegen, al óziniń portfolıosynda Titanic, The Fifth Element, Harry Potter sekildi áıgili jobalar bar.
Premera aldynda akterler de túsirilim barysyndaǵy sátterdi eske aldy.
«Qaqtyǵys kórinisin túsirip jatqanbyz. Keıipkerdiń kúıine sonshalyqty kirip ketippin, dýbl bitken soń sóıleı almaı qaldym. Eshkimmen tildespeı, kólikke otyryp, birden ketip qalyppyn», – dep bólisti basty rólderdiń birin somdaǵan Bazıl Sultanǵazy.
Túsirilim alańynda kútpegen ımprovızasııalar da oryn alǵan. Rejısserdiń aıtýynsha, ánshi ALEM túsirilimge jaı ǵana «kórýge» kelgen, alaıda sol sátte oǵan arnaıy ról oılap tabylyp, ánshi kadrǵa kirgen.
«KOBA» krımınaldyq dramasy Nıý-Iork, Stokgolm jáne Rımdegi halyqaralyq kınofestıvalderge qatysqan jáne joǵary baǵasyn alǵan.
Serıal avtorlary kórermenge qylmys týraly emes, aqıqat pen ádildiktiń quny týraly oqıǵany usynady.
