Batys Qazaqstan oblysynda, Atyraý, Mańǵystaý, Aqtóbe oblysynda negizinen jaýyn-shashynsyz aýa raıy bolady. Keıbir aýdandarda tuman túsedi, joldarda kóktaıǵaq bolýy múmkin. Jel ońtústik-batystan, keıin shyǵys baǵytqa aýysyp sekýndyna 7-14 metr, keı jerlerde sekýndyna 15-20 metrge deıin kúsheıedi. Túngi temperatýra 0…+7°, kúndiz +8…+20° aralyǵynda bolady. Aqtaý men Atyraýda kún ashyq, Aqtóbede bultty, biraq jaýyn-shashynsyz.
Astana, Aqmola, Qostanaı, SQO, Pavlodar, Qaraǵandy, Ulytaý oblysynda túnde jáne tańerteń jańbyr, qar, tuman, kóktaıǵaq jáne burqasyn kútiledi. Jel soltústik-batys jáne batys baǵyttan sekndyna 15-23 metrge deıin kúsheıedi. Túngi temperatýra -6…0°, kúndiz -4…+4°. Eń salqyn aýa raıy – Soltústik Qazaqstan men Pavlodarda kútiledi. Qaraǵandy men Kókshetaýda kúndiz qar aralas jańbyr jaýady, kóriný qashyqtyǵy nasharlaıdy.
Shyǵysta aýa raıy kúrt sýytady. Túnde -10…-24° aıaz, keı jerlerde qatty boran, kóktaıǵaq jáne qalyń qar kútiledi. Jel sekýndyna 20-28 metrge deıin kúsheıedi. Kúndiz aýa temperatýrasy -5…+3° shamasynda. О́skemen men Semeıde qar aralas jańbyr, burqasyn jáne kóktaıǵaq bolý yqtımaldyǵy joǵary.
Ońtústik oblystarda jaýyn-shashynsyz. Túnde 0…-5°, kúndiz +10…+18° deıin jyly. Taýly aımaqtarda tuman jıi túsedi. Almaty men Taldyqorǵanda kún ashyq, kúndiz +11…+15°. Shymkent, Túrkistan, Tarazda da aýa raıy ashyq ári jyly. Qyzylorda oblysynda kún ashyq, kúndiz +11…+16° bolady.
