Elimizde «Qylmysty toqtatý» jedel-profılaktıkalyq is-sharasy ótip jatyr. Is-sharanyń maqsaty – kóshi-qon zańnamasyn buzý faktilerin anyqtaý.
Eki kún ishinde shamamen 40-qa jýyq quqyq buzýshylyq tirkelgen. Onyń ishinde:
- elde bolý merzimi aıaqtalǵannan keıin ýaqtyly shyqpaý,
- vızada kórsetilgen maqsatqa saı kelmeıtin qyzmetpen aınalysý,
- ruqsatsyz jumys isteý derekteri anyqtaldy.
Máselen, jolaýshylardy arnaıy ruqsatsyz tasymaldaǵan 32 jastaǵy shetel azamaty ákimshilik jaýapkershilikke tartyldy. Osyndaı quqyq buzýshylyqtar taksı júrgizýshileri, sondaı-aq kólik jýý beketteri men bazarlarda jumys isteıtinderdiń arasynda anyqtaldy.
Anyqtalǵan barlyq faktiler boıynsha zań aıasynda sharalar qabyldandy. Kóshi-qon polısııasy sheteldik azamattar men jumys berýshilerge kóshi-qon zańnamasynyń talaptaryn túsindirip, el aýmaǵynda zańdy bolý jáne eńbek qyzmetin júzege asyrý tártibi týraly aqparat berýde.
Mundaı is-sharalar quqyq buzýshylyqtardyń aldyn alýǵa jáne qaladaǵy qaýipsizdik deńgeıin arttyrýǵa baǵyttalǵan.
