Premer-mınıstr Oljas Bektenov Memleket basshysynyń tapsyrmalary aıasynda avıasııalyq habtar men avtojol salasyn damytý máseleleri boıynsha keńes ótkizdi. Onda Kólik, Qarjy, Energetıka, О́nerkásip jáne qurylys mınıstrlikteriniń basshylary, sondaı-aq Astana jáne Almaty qalalarynyń ákimderi qatysty.
Premer-mınıstrge 2040 jylǵa qaraı jahandyq áýe naryǵyn eki esege arttyrý jónindegi álemdik boljamdardy eskere otyryp, aldaǵy 3 jylǵa arnalǵan Azamattyq avıasııany damytý jospary usynyldy. Halyqaralyq Azamattyq avıasııa uıymynyń (ICAO) standarttaryna sáıkestiktiń joǵary deńgeıin qamtamasyz etýge basa nazar aýdaryldy.
«ICAO aýdıtiniń nátıjelerine sáıkes, bıyl bul kórsetkish Qazaqstanda 95,7%-dy quraıdy, bul 72,01%-dyq álemdik jáne 87,92% bolatyn ortasha eýropalyq deńgeıden kóp. Josparǵa sáıkes áýejaı jáne navıgasııalyq ınfraqurylymdy jańǵyrtý, halyqaralyq jáne ishki marshrýttyq jelini keńeıtý boıynsha aýqymdy jumys kózdelgen. Budan bólek, halyqaralyq oqý ortalyqtaryn tarta otyryp, áýe kemeleri parkin ulǵaıtý jáne avıasııa salasy úshin mamandar daıarlaý júıesin kúsheıtý josparda bar», delingen habarlamada.
Jıyn barysynda Astana jáne Almaty qalalarynyń áýejaılary bazasynda aerohabtardy damytý máseleleri talqylandy. Elordalyq áýejaıdyń ekinshi ushý-qoný jolaǵyn salý úshin jobalaý-smetalyq qujattamany ázirleýge daıyndyq júrgizilip jatyr. Áýe aılaǵyn jańǵyrtý júk jáne jolaýshylar termınaldaryn salýdy, ınfraqurylymdy jańartýdy jáne taǵy da basqalardy kózdeıdi. Almaty áýejaıyn jańǵyrtý boıynsha Horizon strategııalyq baǵdarlamasyn júzege asyrý ótkizý qabiletin arttyrýdy qamtamasyz etedi. Termınaldardy rekonstrýksııalaý, trafıkti kóbeıtý úshin ushý-qoný jolaqtaryn jańǵyrtý josparlandy. Áýejaı bazasynda júk jáne tehnıkalyq klasterler men servıstik ekojúıe qurylatyn bolady.
О́ńirlik baılanysty nyǵaıtýǵa baǵyttalǵan ishki avıamarshrýttardy sýbsıdııalaý máseleleri qaraldy. Jalpy, osy jyldyń 10 aıynda jolaýshylar tasymaly kólemi 6%-ǵa ósip, 13 mln jolaýshydan asty.
Jıynǵa qatysýshylar azamattyq avıasııanyń týrızmge, saýdaǵa, óńirlik damýǵa, ınvestısııalyq tartymdylyqqa jáne basqa da mańyzdy baǵyttarǵa mýltıplıkatıvtik áserin atap ótti. Halyqaralyq baǵalaýlarǵa sáıkes, saladaǵy árbir 100 jumys orny ekonomıkanyń aralas sektorlarynda 610-ǵa deıin qosymsha jumys oryndaryn qurady.
Premer-mınıstr Kólik mınıstrligine Básekelestikti qorǵaý jáne damytý agenttigi jáne Qarjylyq monıtorıng agenttigimen birlesip avıaotyn jetkizýdegi tıimsiz deldaldar tizbegi boıynsha jumysty kúsheıtýdi, sondaı-aq kólik salasynda aǵymdaǵy jobalardy júzege asyrý jáne jańa jobalardy iske qosý jónindegi jumysty jandandyrýdy tapsyrdy.
Sonymen qatar jıynda Kólik mınıstrliginiń avtojol qurylysy salasyndaǵy ınfraqurylymdyq jobalardy júzege asyrý jónindegi tásilderi qaraldy. Joldardyń aǵymdaǵy jaǵdaıyna jáne olardy jabynynyń sapasyn odan ári jaqsartýǵa arnalǵan quraldarǵa nazar aýdarylady.
