Alty jyl boıy dástúrli túrde uıymdastyrylyp kele jatqan GASTRO ANTALYA halyqaralyq festıvali – álemniń úzdik aspazdary men kondıterlerin bir alańǵa jınaıtyn, bedeli bıik, bási joǵary doda. Bul festıval óz mártebesin baıaǵyda-aq qalyptastyrǵan. Sońǵy alty jyldyń ishinde munda 25 elden kelgen 4000-nan astam kásibı maman men jas sheberler baq synap, tájirıbe almasyp úlgergen.
Bıyl osy aıtýly is-sharaǵa Astana qalasy ákimdiginiń Tehnologııalyq kolledji men Qoǵamdyq tamaqtandyrý jáne servıs kolledjiniń aspazshy mamandary men stýdentteri qatysyp, joǵary nátıjelerimen kózge tústi.
Tehnologııalyq kolledjdiń óndiristik oqytý sheberi Baıjigit Bolyshan men stýdent Lázzat Aslanqyzy «Naýbaıhana isi» quzyrettiligi boıynsha synǵa túsip, halyqaralyq deńgeıde birinshi oryn ıelendi.
Al Tehnologııalyq kolledj ben Qoǵamdyq tamaqtandyrý jáne servıs kolledjiniń jas sheberleri –Manas Sqaq pen Eskendir Salyqov ózderiniń kásibı biliktiligin dáleldep, eki altyn, eki kúmis medalǵa ıe boldy.
