Foto: Almaty qalasynyń ákimdigi
Daýys robottary kún saıyn qala turǵyndaryna vaksınasııa, skrınıng, flıýorografııa jáne profılaktıkalyq tekserýden ótý boıynsha qońyraý shalady.
Buǵan deıin medbıkeler kúnine 15-20 em alýshyǵa ǵana qońyraý shalyp, bul iske birshama ýaqyt pen energııasyn jumsap kelgen. Endi medbıkelerdiń jumysyn daýys robottary jeńildetpek.
Robottar qazaq jáne orys tilderinde sóıleıdi jáne jaýap alǵanǵa deıin qońyraý shalýyn toqtatpaıdy.
Jasandy ıntellekt júıesiniń arqasynda olar myńdaǵan qońyraýdy bir ýaqytta óńdeı alady, bul emhanalardyń jumys isteý tıimdiligin arttyrady.
Jobany Almaty Digital Medical Center júzege asyrǵan. Ortalyqta dárigerlerdiń naýqastarǵa kóbirek ýaqyt arnaýyna múmkindik beretin 1312 biryńǵaı baılanys ortalyǵy jumys isteıdi. Sondaı-aq, telemedısınalyq patronaj jáne onlaın-keńes júıesi de engizilgen.
