Ol jerde áskerı bólimdegi qyzmettiń uıymdastyrylýyn, jarǵylyq tártiptiń saqtalýyn, jaýyngerlik daıyndyqtyń deńgeıin, kazarmalardyń jaı-kúıin, sanıtarlyq aımaqtardy jáne tamaqtaný sapasyn baqylady. Erekshe nazardy turmystyq jaǵdaılarǵa, sarbazdardy qamtamasyz etý máselelerine jáne bólimshelerdegi qolaıly moraldyq-psıhologııalyq ahýaldy qalyptastyrý jumystaryna aýdardy.
Mınıstrdiń sapary bólimdegi saltanatty sharamen tuspa-tus keldi. Osy kúni merzimdi qyzmettegi 60 jas jaýynger Otanǵa adal bolýǵa ant berdi.
Avıasııa general-leıtenanty Dáýren Qosanov bul sáttiń árbir qazaqstandyq úshin mańyzdy ekenin atap ótti. Jas sarbazdarǵa arnaǵan sózinde ol olarǵa jiger, minsiz qyzmet jáne jaýyngerlik daıyndyqta tabys tiledi.
Osy mańyzdy sátke ortaqtasý úshin jas sarbazdardyń ata-analary elimizdiń túrli óńirlerinen keldi. Olar úshin Ashyq esik kúni uıymdastyrylyp, áskerı bólimde jasalǵan qyzmet jáne turmys jaǵdaıymen tanystyryldy. Sondaı-aq armııa mektebinen ótken jastarǵa arnalǵan áleýmettik baǵdarlamalar týraly aqparat berildi.
Merekelik túski asqa qonaqtar áskerı bólimniń ashanasyna shaqyryldy. Mınıstr men ata-analar daıyndalǵan taǵamdardyń alýan túrliligi men sapasyn baǵalady. Bastapqyda resmı sıpatta ótken áńgime keıinnen erkin ári shynaıy áńgimege ulasty. Jaýyngerler mınıstrdiń ómirbaıanyna, áskerı jolyna jáne túrli garnızondardaǵy qyzmet tájirıbesine qyzyǵýshylyq tanytty.
О́z kezeginde jas sarbazdar áskerı bólimniń tarıhy jóninde tereń bilimderin kórsetti.
Búginde 03811 áskerı bólimi «Ońtústik» óńirlik qolbasshylyǵy quramyndaǵy eń ozyq bólimderdiń biri sanalady, jaýyngerlik erlik pen áskerı abyroı dástúrlerin laıyqty jalǵastyryp keledi.
Áskerı qyzmetshilerdiń ata-analary mınıstrge jáne áskerı bólim basshylyǵyna uldaryna jasalǵan qamqorlyq pen olardyń qyzmet ótkerý jaǵdaıyn óz kózderimen kórýge múmkindik bergeni úshin rızashylyqtaryn bildirdi.
Sapar qorytyndysy boıynsha avıasııa general-leıtenanty Dáýren Qosanov bólim basshylyǵyna kúndelikti qyzmetti uıymdastyrýdy jetildirý, ishki tártip pen áskerı tártipti nyǵaıtý, turaqty jaýyngerlik daıyndyq pen qyzmet qaýipsizdigin qamtamasyz etý baǵytynda birqatar naqty tapsyrma berdi.
