Shabýyl kezinde «Ushqyshsyz ushaq qaýpi» dabyly qosylyp, barlyq qyzmetker qaýipsiz aımaqqa der kezinde evakýasııalanǵan. Zardap shekkender joq.
Teńiz – Novorossıısk qubyrynyń jumysyn baqylaıtyn Ońtústik Ozereevkadaǵy basqarý ortalyǵy qalypty rejımde jumys istep tur. Soǵan qaramastan, dron soqqysy saldarynan teńizdegi júk tıeý operasııalary ýaqytsha toqtatylǵan.
Kaspıı qubyr konsorsıýmy oqıǵadan keıin munaı tıeý jumystary qaıta bastalǵanyn málimdedi. Júk jóneltýshilerdiń munaıdy KQK júıesine qabyldaýy sońǵy kúnderi shtattyq tártipte júrip jatqan.
2025 jyly KQK ınfraqurylymy birneshe ret drondyq shabýylǵa ushyrady. Buǵan deıin «Kropotkınskaıa» jáne teńiz termınalynyń qalalyq keńsesi zaqymdanǵan edi. Bul oqıǵalar Teńiz – Novorossıısk eksportynyń álsiz tustaryn kórsetip, tasymaldyń úzdiksizdigine qatysty qaýiptiń bar ekenin ańǵartady.
Qazaqstan munaıyn tasymaldaý jalǵasyp jatyr. Degenmen jıilep ketken shabýyldar ınfraqurylymnyń osaldyǵyn kúsheıtip, bolashaqta eksporttyq jelide irkilister bolýy múmkin ekenin kórsetedi.
