«Eır Astana» kýrsanttary Eýropanyń jetekshi ushqyshtar mektebin támamdady

ALMATY. 20 aqpan. «Eır Astana» áýe kompanııasynyń 9 kýrsanty Kork halyqaralyq áýejaıynda ornalasqan AFTA (Atlantic Flight Training Academy) Eýropanyń jetekshi ushqyshtar mektebinde kommersııalyq áýe joldarynyń ushqyshtardy daıyndaý kýrsyn sátimen támamdady. Bul týraly egemen.kz tilshisi habarlady. Kork halyqaralyq qonaq úıinde jaqynda ótken túlekterge sertıfıkattardy tapsyrý rásimine mektep dırektory Mark Keısı, «Eır Astananyń» óndiristik suraqtar boıynsha aǵa vıse-prezıdenti Entonı Regan, «Eır Astananyń» ushqyshtar quramyn oqytý boıynsha dırektory Fılıppos Sıakkas qatysty. Qazaqstandyq túlekter 2009 jyly áýe tasymaldaýshy iske qosqan ab-initio ushqyshtardy alǵashqy daıyndaý baǵdarlamasy boıynsha oqý kýrsynan ótti jáne 3 aıdan soń áýe kemesi túrine qaıta oqytýdan keıin olar ekinshi ushqysh retinde jumysqa kirisedi. Bıyl jazda Qazaqstannan AFTA mektebin 100-shi túlek bitiredi. Qazirgi tańda atalǵan 15 aılyq baǵdarlamany 150 adam ótipti. Onyń ishinde «Eırbasty» – 75, «Boıngti» – 39, «Embraerdy» 23 adam basqarady. Al 13 jas ushqyshty áýe kemesiniń túrine qaıta oqytý kútip tur. Taǵy 7 jańa oqýshy 2015 jyldyń naýryzynda dáris alýǵa kirisedi. Oqý Eýropanyń FTE Jerez (Ispanııa) jáne AFTA (Irlandııa) úzdik ushqyshtar mektebinde ótkizilmek. Dýman Anash. Derek: egemen.kz. Sýret: «Eır Astana» korporatıvtik kommýnıkasııalar departamenti.