PARLAMENT

«Egemen Qazaqstannyń» arnaýly beti

Tarıhtyń qıly joly

 Elbasynyń nurly jolyna ulasty

Parlament Senatynyń Tóraǵasy Qasym-Jomart Toqaev «Qazaq handyǵynyń 550 jyldyǵy – ulttyq tarıhtyń taǵdyrsheshti kezeńi» ǵylymı-tájirıbelik konferensııa­synda sóz sóılep, táýelsizdikke qol jetkizýdegi jáne qazirgi zamandaǵy Qazaqstan memlekettiligin qalyp­tas­tyrýdaǵy Elbasy Nursultan Nazarbaevtyń tarıhı zor úlesin atap kórsetti. Astanadaǵy Ulttyq murajaıda ótken bul sharany uıymdastyrýǵa Parlament Senatynyń Áleýmettik-mádenı damý jáne ǵylym komıteti uıytqy bolǵan-dy. О́z tarıhymyzdy tanýǵa arnalǵan jıynnyń da aıtary men negizgi oıyn Parlament Senatynyń Tóraǵasy Qasym-Jomart Toqaev óz baıandamasynda áriden qozǵady. – О́tkendi bilmeı, bolashaqty boljaý múmkin emes, degen halyq danalyǵy bar. Tarıh – bul halyqtyń búgini men bolashaǵyn aıqyndaıtyn birden-bir mańyzdy kórsetkish. Tarıh – tutas halyqtarǵa, ulttar men ulystarǵa tán tabıǵı zańdy qubylys. Ár halyqtyń mańdaıyna bitken taǵdyrly joly osy tarıh qoınaýynan tamyr tartady. Sondyqtan da, tól tarıhyn ulyqtap, ata-babalar salǵan sara joldy ustanǵan halyq qana kemel keleshekke nyq senimmen qadam basary anyq, – degen Senat spıkeri munan keıin babalar muratyn jalǵastyryp, el amanatyn arqalap kele jatqan Elbasymyz Nursultan Ábishuly Nazarbaevtyń «Nurly Jol – bolashaqqa bastar jol» atty Joldaýynda aıtylǵan Qazaq­stan halqy Assambleıasy men Konstıtýsııamyzdyń 20 jyldyǵyn, Uly Jeńistiń 70 jyldyǵyn, Qazaq han­dyǵynyń 550 jyldyǵyn atap ótetindigimizdi, al bul ulttyq tanym-tarıhymyzdy tereń zerdelep, qundy jádigerlerimizdi el jadynda qaıta jańǵyrtý jáne de búgingi kúnniń bederi – san ǵasyrlyq tarıhı kezeńderdiń dáıekti jalǵasy ekendigin atap kórsetti. Ulttyq tarıhty bilý jáne ony qurmetteý – Otanǵa degen súıis­penshiliktiń myzǵymas negizi ekeni sózsiz. Osy oraıda, Q.Toqaevtyń konferensııa barysynda aıtqan: «Qazaq tarıhy tek tolassyz shaı­qas­tar men kúresterdiń ǵana emes, beıbit ómirde júrgizilgen keleli saıasattyń da kýási ekenin atap ótý qajet», degen pikiri Qazaq handyǵynyń irgesi qalanǵan sátten bastap ata-babalarymyz kórshiles eldermen dıplomatııalyq qarym-qatynastar ornatyp, túrli kelisimder jasasyp, ózara saýda-sattyq júrgizgenderimen, sol qarym-qatynastarda dál qazirgideı jahandaný sıpattary bolmaǵandyǵyn anyq atap kórsetti degen oıymen órildi. – Sondyqtan da, búgingi kúnniń turǵysynan biz sol kezeńdegi memlekettik qurylymdy qazirgi memlekettiliktiń nyshandarymen qatar qoıa almaımyz. Ol zamandarda el shekarasyn aıqyndap, belgileý týraly kelisimder jasasýǵa da erekshe mán berilmegeni belgili. Bul, eń aldymen, sol kezeńdegi halyqtyń sanyna, saýda kóleminiń azdyǵyna jáne ózara qarym-qatynastardyń jetispeýshiligine baılanysty bolǵany kúmánsiz. Sondyqtan da, búgingi tańda Jer sharyn mekendegen 7 mıllıardtan astam adam sany, jappaı jahan­daný úderisteri men ǵylymı-teh­nıkalyq ilgerileýdiń qarqyny turǵysynan salystyrǵanda qazirgi memlekettilikke degen kózqarastyń múldem ózgeshe bolýynyń zańdy qubylys ekeni túsinikti, – deı kelip, Q.Toqaev óz oıyn Elbasy Nursultan Nazarbaevtyń: «Bizdiń elimiz, qazaq jurtynyń arǵy túbi ǵundardan bastalady. Ǵundardan keıin Kók túrikterge jalǵasady. Odan keıin Altyn Orda orny­ǵa­dy. Sóıtip, handyq dáýirge ­ula­syp, keıin birtindep Táýelsizdik­ke kelip tireledi», – degen sózimen túıdi. Elbasynyń osy paıymdy oıy men osy pikiri el tarıhyn zertteýshi ǵalymdarǵa da, jalpy qoǵamnyń tarıhı tanymy úshin de mańyzy zor tujyrym ekendigin atap aıta otyryp, qazirgi Qazaqstan – Birikken Ulttar Uıymyna múshe, aýmaqtyq shekarasy tolyq aıqyndalǵan, syrtqy saıasaty saralanǵan, ekonomıkasy júıelengen, jahandyq básekege qabiletti táýelsiz mem­leket. Memleketimizdiń áleýmet­tik-eko­nomıkalyq jáne rýhanı qaı­ta jańǵyrý kezeńinde Elbasy usynǵan jańa ulttyq tujy­rym­dama – «Máńgilik El» ıdeıa­­sy egemen elimizdiń erteńi úshin jasal­ǵan senimdi qadam. Qazir­­gi álem­dik ekonomıkalyq daǵdarys jaǵ­daıynda el Prezı­den­ti hal­qy­myzdyń murat-múd­desin qamta­masyz etýge baǵyt­talǵan «Nurly Jol» Jańa ekono­mıkalyq baǵdar­lamasyn usyndy. Elba­symyz­dyń búgingi aýmaly-tókpeli ahýalda Qazaq memlekettiliginiń týyn asqaqtatý jolyndaǵy ustany­my berik. Halyq birligi, qoǵam tu­raqtylyǵy, memlekettiń qarqyn­dy damýy – búgingi jáne bola­shaq ómirimizdiń máńgilik qundy­lyq­tary, egemendigimizdiń myqty ir­getasy. Elbasy aıtyp ótken­deı, el egemendigi – bizdiń basty baı­lyǵymyz. Biz qandaı jaǵdaı bolsa da táýelsizdikten eshqashan bas tartpaımyz, degen osy bir tujyrymmen Q.Toqaev konferensııanyń ıdeıalyq mazmunyn ashyp berdi. Senat spıkeriniń «El­basynyń qaıratty kúsh-jigeri men stra­tegııalyq kóregendigi arqa­synda bizdiń elimiz, sheteldik boljam­darǵa qaramastan óziniń kóp vektorly tarıhynda zańdy túrde resim­delgen ári shekarasy halyq­aralyq turǵyda moıyndalǵan tabys­ty jáne bedeldi memleketke aınaldy. Sondyqtan, Prezıdent N.Nazarbaev álemdik jylnamaǵa táýelsiz Qazaqstannyń negizin salýshy retinde enip otyr», degen pikiri de konferensııaǵa qatysýshy­lar tarapynan zor yqylaspen qabyldandy. Senat Tóraǵasy halqymyzdyń baı tarıhy ǵasyrlar qoınaýynan bastaý alatynyn, myńdaǵan jyl­dar boıy Qazaqstan aýmaǵy túrli órkenıetterdiń damý joldary qıylysqan meken bolǵanyn jáne halyqtardyń uly kóshiniń joldary jalǵasyp jatqanyn aıta kelip, bizdiń ata-babalarymyz Eýrazııa dalasynyń aýqymdy keńistigin ıgerdi, materıaldyq jáne rýhanı mádenıettiń erekshe sıpatyn qalyptastyrdy. Bul mádenı jetistikter búginde kúlli álemde, onyń ishinde BUU-da moıyndalyp otyrǵandyǵy jaıly aıtqany da Qazaq eliniń taǵylymdy tarıhynan syr tolǵaǵandaı áserge bóledi, kóńilimizdegi óz elimizge degen maqtanysh sezimin oıatty. Qazaq handyǵynyń negizin salýshylar – Jánibek jáne Kereı handar ulttyq tarıhta erekshe oryn alady. Olar qurǵan memlekettik birlestik bizdiń halqymyzdyń atymen alǵash ret atalǵanyna da baıandamashy aıyryqsha nazar aýdardy. «Biz táýelsizdikke qandaı qıyndyqpen qol jetkizgenimizdi jaqsy bilemiz. Táýelsizdik jolyndaǵy kúreste qazaq halqy uly jeńisterdiń de, ashy jeńilisterdiń de dámin tatty. Úzdiksiz kúresterge toly tarıhı taǵylymnan uǵynarymyz – Máńgilik Eldiń erekshe ustanymy – el ıgiligi jolyndaǵy halyqtyń yntymaǵy», – deı otyryp, Senat Tóraǵasy din, mádenıet, órke­nıet qaqtyǵystary negizinde týyn­­daǵan qazirgi zamandaǵy álemdik shıe­lenisterdiń sabaqtary Máńgilik El tujy­rymdamasynyń mańyzdyly­ǵyn naqtylaıdy, osyndaı kúrdeli jaǵdaıda Elbasy N.Á.Nazarbaev bastaǵan Qazaqstan túrli erek­she­likter men qıyndyqtar kórinis tapqan jahandaný jaǵdaıyn­­da elimizdiń ulttyq múdde­lerin se­nimdi qorǵaıtyn memle­kettik saıa­sat qalyptastyra aldy de­gen tujy­ry­my arqyly búgingi kúnniń shynaıy aqıqatyn alǵa tartty. Qasıetti qazaq jerinde ómir súrip jatqan ár ulttyń tarıhı ótke­nin jınaqtaǵan Qazaqstan etnos­tyq quramy boıynsha ınter­na­sıonaldyq memleket bolyp ta­by­latyndyǵyn atap ótken Q.Toqaev bizdiń memleketimizdiń jetis­tikteri men kúsh-qýaty – kóp turpat­ty tu­tastyqta ekenine nazar aýdar­dy. «Kelisim men birlikti tý etken eli­miz – san túrli ult ókil­deri­niń Otany, tatýlyq ornaǵan shańy­raq­tyń aıryqsha úlgisi. Qa­zaq halqy­nyń etnostyq ulttyq jáne dinı tózim­diligi búkil álemde Eý­ra­zııa­ qurly­ǵynyń basym bóli­gindegi tu­raqtylyq pen qaýipsizdikti qam­ta­masyz etýdiń mańyzdy faktory re­tinde belgili», – dedi Senat Tóraǵasy. Q.Toqaev qazirgi zamandaǵy turaqsyzdyq jaǵdaıynda tarıh ǵylymynyń biriktirýshi róline de toqtaldy. «Tarıh pániniń mindeti – óskeleń urpaqqa ónegeli ótkenge qurmet jáne bizdiń ata-babamyzǵa maqtanysh sezimin qalyptastyrý bolyp tabylady. Otandyq tarıhty bilmeı turyp, otanshyl azamat qalyptaspaq emes. Sonymen birge, jastar beıbitshilik pen keli­sim – jalpyǵa birdeı, balamasyz qundylyq ekenin túsinýi tıis. Son­dyqtan, Elbasy atap ótkendeı, bıyl­ǵy jyly Qazaq handyǵynyń 550 jyl­dyǵyn baıypty túrde ári esh dań­ǵazasyz merekeleýdiń saıa­sı ma­ńyzy zor», – dedi Senat Tóraǵasy. Táýelsizdikke qol jetkizýdegi jáne qazirgi zamandaǵy Qazaqstan memlekettiligin qalyptastyrýdaǵy Nursultan Ábishulynyń erekshe úlesin ataı otyryp, Senat Tór­aǵasy qazaqstandyqtar qıyn taǵ­dyrdyń tar jol, taıǵaq keshý­lerinen ótip, ulttardyń álemdik qoǵamdastyǵynan laıyqty oryn alǵanyn, bizdiń elimiz barlyq halyq­aralyq mindettemelerdi qaltqy­syz oryndap, beıbitshil syrt­qy saıasat júrgizip, sonymen birge, ult­tyq múd­deleri de nátıjeli qorǵalý­da ekendigin oryndy aıtty jáne de «El egemendigi – bizdiń bas­ty baılyǵymyz. Biz qandaı jaǵdaı bolsa da táýelsizdikten eshqashan bas tartpaımyz», degen Elbasy Nursultan Nazarbaevtyń pikirimen óz oıyn qorytyndylady. Osy bir oıymen Qasym-Jomart Toqaev Elbasynyń qazirgi júrgizip kele jatqan ishki jáne syrtqy saıasatyn sanamyzǵa myqtap siń­dirgendeı áser aldyq. Biz muny konferensııada sóz sóı­legen Memlekettik hatshy Gúl­­shara Ábdiqalyqova­nyń jáne Premer-Mınıstrdiń ­orynbasary Berdibek Saparbaev­tyń oılarynan da ańǵardyq. Konferensııa barysynda oǵan qatysýshylar – Qazaqstannyń Eńbek Eri, Qazaqstannyń halyq jazýshysy Ábish Kekilbaev, halyq­aralyq «Nevada-Cemeı» ıadrolyq qarýǵa qarsy qozǵalysynyń kósh­basshysy, aqyn Oljas Súleımenov, Qorqyt ata ǵylymı-zertteý orta­lyǵynyń basshysy, fılologııa ǵylymdarynyń doktory, professor Myrzataı Jol­dasbekov syndy tulǵalardyń arǵy-bergi tarıhtan tereń syr tarta sóılegen sózderin tyńdap, aı­ryqsha bir lázzat alǵandaı boldy. Ulttyq tarıhymyzdy zerdeleý­ge arnalǵan bul konferensııaǵa Qazaqstannyń belgili tarıhshylary, ár oblystardan arnaıy kel­gen ókilder men joǵary oqý oryn­da­ry­nyń stýdent jastary qatysyp, ǵa­nıbetti taǵylym alǵandyqtary sóz­­siz edi. О́ıtkeni, qazaq tarıhy men Qa­­zaq handyǵy jaıly aıtylǵan tyń­ oılar árkimge oı salǵandyǵy jáne ózimizdiń ótkenimizge degen qy­zy­­ǵýshylyǵymyzdy týdyrǵany anyq. Konferensııaǵa moderatorlyq etken Senattyń Áleýmettik-mádenı damý jáne ǵylym komıte­tiniń tóraǵasy A.Bıjanov Elbasy Nursultan Nazarbaevtyń Qazaqstan azamat­tarynyń ózara túsinistigi men ynty­maǵyn nyǵaıtý, el birligin saqtaý jolyndaǵy búgingi kúnniń aqıqa­tyn ótken tarıhymyzben baılanys­tyryp otyrýdyń, tarıhtan sabaq alýdyń mańyzdylyǵyn atap kórsetti. Bul konferensııa Qazaq han­dyǵynyń 550 jyldyǵynyń tarıhı sabaǵyn qaıta bir oı sarabynan ótkizý arqyly búgingi el táýelsizdigi men sol táýelsizdikti baıandy etý jolyndaǵy Elbasynyń tarıhı rólin tanı túsýge zor yqpaly tıgen el ómirindegi ıgi bir shara bolǵandyǵy anyq. Jabal ERǴALIEV, jazýshy, Qazaqstannyń eńbek sińirgen qaıratkeri, Senat depýtaty.

Qysqy otyrysqa qatysý ústinde

Parlament Senaty Halyqaralyq qatynastar, qorǵanys jáne qaýipsiz­dik komıtetiniń tóraǵa­sy I.Adyrbekov basta­ǵan qazaqstandyq par­lamentshiler EQYU Par­lamenttik Assambleıasynyń Qysqy 14-shi otyrysyna­ qatysýda. Delegasııa qu­ramyna Senat depýtat­tary V.Bobrov pen D.Qusdáý­letov jáne Májilis depý­tattary Q.Sultanov pen S.Bychkova engen bolatyn. 18 aqpanda Qazaqstan Res­pýb­lıkasynyń delegasııasy Avstrııa Ulttyq keńesiniń (Parlamentiniń) Ekinshi Prezıdenti Karlhaıns Kopfpen kezdesti. Áńgime bary­synda Qazaqstan men Avstrııa­nyń yntymaqtastyǵy, parla­ment­aralyq baılanystar máseleleri talqylandy. Júzdesýshiler jal­pyǵa birdeı jahandaný jaǵdaıynda ózara is-qımyldyń eń qajetti qu­raldarynyń biri parlamenttik dıplomatııa ekenin atap ótti. Kezdesýge qatysýshylar EQYU-ǵa múshe elderdiń parla­mentshileri osy Uıymnyń kún tártibindegi máselelerdi qaraýǵa tartylǵanyna nazar aýdardy. Ekijaqty yntymaqtastyq turǵysynda qazaqstandyq tarap 2017-2018 jyldarda BUU Qaýipsizdik Keńesiniń turaqty emes múshesi quramyna ený jónindegi Qazaqstannyń ótinishin Avstrııanyń qoldaýyn ótindi. Qazaqstan delegasııasy Avstrııa Parlamentiniń depýtattaryn ha­lyqaralyq qoǵamdastyqtaǵy bel­sendi jáne syndarly múshesi re­tinde elimizdegi saıası, ekonomı­kalyq basymdyqtar men naqty sharalar týraly habardar etti. Sondaı-aq, «Qazaqstan-2050» Stra­tegııasy, «Nurly Jol – bola­shaqqa bastar jol» Jańa Ekono­mıkalyq Saıasaty, halyqaralyq EKSPO-2017 kórmesi, Qazaq­stannyń DSU-ǵa kirý úderis­terin­degi «Jasyl energııa» jáne «Jasyl kópir» bastamalary, Álemdik jáne dástúrli dinder kóshbasshylarynyń aldaǵy besinshi sezi men Astana ekonomıkalyq forýmy týraly da aıtyldy. Qazaqstan delegasııasynyń músheleri avstrııalyq áriptesterin osy sharalarǵa qatysýǵa shaqyrdy. EQYU kún tártibiniń aıasynda Eýropadaǵy qaýipsizdik jáne yntymaqtastyq jónin­degi uıymǵa qatysýshy elder eleýli úles qosqan Ýkraına­daǵy jaǵdaıdy retteý jónin­degi halyqaralyq kúsh-jiger másele­leri talqylandy. Taraptardyń pikirinshe, Ýkraına tóńiregindegi shıelenisterdi retteý úshin EQYU kúsh-jigeri kóp­jaqty qury­lym retinde ońtaıly bo­lyp otyr. Bul turǵyda aımaq­taǵy tu­raqtylyqtyń kepili, qaqty­ǵystardy beıbit sheshýdi jaqtaý­shy jáne oǵan belsendi qatysý­shy retinde Qazaqstannyń róli erek­she atap ótildi, dep habarlady Qa­zaqstan Respýblıkasy Par­lamenti Senatynyń baspasóz qyzmeti.

Balaǵa balalyq syılaıtyn joba

Ol jetim jáne ata-anasynyń qamqorlyǵynsyz qalǵan balalardy qorǵaıtyn bolady

«Nur Otan» partııasy «Baqytty balalyq» jobasyn júzege asyryp, óz balasynan bas tartý men ata-analyq jaýapkershilikten jaltarýǵa baılanysty qoǵamda tózbeýshilik kózqaras qalyptastyrýǵa kúsh salyp otyr. Osyǵan oraı partııa fraksııasy janyndaǵy Áleýmettik keńes Májilistiń Áleýmettik-mádenı damý komıtetimen birlesip, jetim balalardy otbasylarǵa ornalastyrý jaıyn talqyǵa saldy. Otyrysty Májilistegi «Nur Otan» partııasy fraksııasynyń janyndaǵy Áleýmettik keńes tóraıymy depýtat Aıtkúl Sa­maqova júrgizip otyrdy. Sóz re­ti kelgende, fraksııa mú­she­le­ri A.Samaqova men S.Ferho elor­dadaǵy balalar úıinde bolǵan­dyǵyn aıta ketken jón. Sonyń barysynda depýtattar jetim jáne ata-anasynyń qamqorlyǵynsyz qalǵan balalardy otbasylarǵa ornalastyrý barysynda paıda bolatyn túıtkilder barysyn jan-jaqty surap bilgen kórinedi. Jalpy, elimiz zańnamasyna sáıkes, bir balany kútkeni úshin aı saıyn 10 aılyq eseptik kórsetkish kóle­minde járdemaqy tólenedi eken. Budan basqa, patronattyq tárbıeleýshilerge – jasyna baılanysty bir balany kútý úshin 9-10 AEK kóleminde aı saıyn járdemaqy jáne bilimi men ótiline baılanysty tárbıeleýshige aılyq beriledi. Sonymen qatar, 2015 jyldan bastap bala asyrap alýshyǵa 75 AEK (shamamen 148 myń teńge) kóleminde bir rettik aqshalaı tólem qaras­tyrylǵan. «Jetimderdi tárbıe­leýdiń otbasylyq úlgisin dárip­teýdi kúsheıtý, zertteý, jınaqtaý jáne atalǵan másele sheshi­miniń ozyq tájirıbesin taratý kerek. Otbasylyq ınstıtýtty nyǵaıtyp, jetim balalarǵa degen qalyptasqan kózqarasty ózgertý qajet», dep atap ketti «Nur Otan» partııasy fraksııasy Áleýmettik keńesiniń tóraıymy. Jetim balalardy otbasylarǵa ornalastyrý jaıyn talqyǵa salǵan Keńes músheleri memleket tarapynan qabyldanyp jatqan is-sharalardyń nátıjesinde jyl saıyn balalar úıinde tárbıelenýshiler sanynyń 10 paıyzǵa azaıyp otyrǵandyǵyna nazar aýdartty. Bilim jáne ǵy­lym vıse-mınıstri Esenǵazy Iman­ǵa­lıevtiń málimetine qa­raǵan­da, res­pýblıkada 32 362 jetim jáne ata-anasynyń qam­qor­­ly­ǵyn­syz qalǵan bala bar. «Olar­dyń ishinde 21 350 jetim bala qazaqstandyq azamattardyń qamqorlyǵynda tárbıelenýde, 1 820-sy – patronattyq tárbıeleýge alynǵan. Sońǵy jyldardaǵy qamqorlyqqa alynǵan balalar sanynyń kóbeıýi, eń aldymen, ma­terıaldyq yntalandyrýdyń ósýimen baılanysty bolyp otyr», dedi vıse-mınıstr tárbıe­lenýshiler sanynyń azaıyp bara jatqanyna túsinik bere ketip. Osylaısha talqylaýdan ótken másele boıynsha Úkimetke arnaıy usynymdar jobasy ázir­len­di. Onda bosaǵan balalar úıin qıyn­shylyqta qalǵan otbasy­lar men jetim balalardy qorǵaý ortalyqtaryna aınaldyrý; ata-analarynan alımentti mindetti túrde alý; jetim jáne ata-ana­sy­nyń qamqorlyǵynsyz qalǵan balalar týraly biryńǵaı baza qurý sııaqty usynystar bar. Jalpy, partııa «Baqytty balalyq» jobasy arqyly qoǵam nazaryn osy máselege barynsha aýdarýdy kózdep otyr. Asqar TURAPBAIULY, «Egemen Qazaqstan».

Mańyzdy máselelerge nazar aýdaryldy

Májiliste halyqtyń kóshi-qony jáne jumyspen qamtylýy máselelerine qatysty zań jobasy boıynsha qurylǵan jumys tobynyń alǵashqy otyrysy bolyp ótti. Aıta ketý kerek, «Qazaqstan Respýblıkasynyń keıbir zańnamalyq aktilerine halyqtyń kóshi-qony jáne jumyspen qamtylýy máseleleri boıynsha ózgerister men tolyqtyrýlar engizý týraly» zań jobasy Memleket basshysynyń 2014 jylǵy 4 mamyrdaǵy bergen tapsyrmasyna oraı ázirlengen bolatyn. Úkimettiń zań jobasyna bergen túsindirmesinde kóshi-qon zańnamasyna ózgerister men tolyqtyrýlar engizý jahandaný qaterlerine jáne álemdik damýdyń turaqsyzdyǵyna, sondaı-aq, memlekettiń ishki damýynyń jańa kezeńine jáne áleýmettik-eńbek qatynastaryn jańǵyrtýǵa baılanysty bolyp otyrǵany atap ótilgen. Zań jobasyn qabyldaý maq­sa­ty etnostyq, ishki kóshi-qon, shet­el­dik jumys kúshin tartýdy, zańnama­lyq deńgeıde etnos­tyq qazaqtar­dyń kelýi men qonys­tanýynyń biryńǵaı sharttaryn qurýdy, olardy qonystandyrý óńirine qaraı áleýmettik qoldaýdy qamtamasyz etýdi kózdeıdi. Sonymen qatar, oralmandardyń basym óńirlerde qonystanýyn yntalandyrý, eńbek resýrstaryn jumys kúshi artyq óńirlerden ju­mys kúshi az óńirlerge qaıta bó­lý jáne elge joǵary bilikti ma­man­dar tartý salalaryndaǵy kóshi-qon saıasa­tyn jetildirý qajet. Jumys tobynyń jetekshisi, depýtat Gúlnár Seıitmaǵanbetova bul zań jobasynyń bizdiń qoǵam úshin jáne kóshi-qon máselele­rin­ ret­týde mańyzdy ekenin alǵa tartty. Májilistiń Áleý­­mettik-mádenı damý komıtetiniń múshesi, jumys tobynyń jetekshisi Gúl­nár Seıitmaǵanbetova otyrys­qa depýtattar jáne múddeli mı­nıstrlikter men vedomstvolar ókilderi qatysyp otyrǵanyn aıtyp ótti. Jumys tobynyń músheleri zań jobasyn Salystyrma kestege engen baptar boıynsha jeke-jeke qarady. Búgingi kúnge deıin salys­tyrma kestege salalyq komıtetter men depýtattar usynǵan 140 túzetý engizilgen. Jumys tobynyń otyry­sy­na qatysqan Májilis depýtat­ta­ry Úsengeldi Medeýov, Qutty­qoja­ Ydyrysov, Almas Turtaev, Gúlmıra Isimbaeva, Maıra Aısına, Olga Kıkolenko, Nadejda Petýhova Salystyrma kestege engizilgen túzetýlerdi sarapqa saldy. Depýtattardyń zań jobasyn talqylaýda jáne usynystar berýde belsendilik tanytyp otyrǵanyn atap ótý qajet. Jumys tobynyń kelesi otyrysy aldaǵy aptanyń beısenbisi kúni jalǵasyn tabatyn boldy. Jaqsybaı SAMRAT, «Egemen Qazaqstan».