Foto: primeminister.kz
Búginde atalǵan júıe negizinde mys, alıýmınıı jáne myrysh óndirýshiler jumys istep jatyr.
«Jeńildik mólsheri óńdeý tereńdigine baılanysty daıyn ónim úshin – 5%, aralyq ónim úshin – 1% jeńildik qoldanylady. Tetik engizilgen sátten bastap 30 kelisim jasaldy. Júrgizilgen jumystardyń oń áseri qazirdiń ózinde baıqalady. Mys óńdeý jyl sońyna deıin – 40%-ǵa, alıýmınıı – 20%-ǵa, myrysh óńdeý – 25%-ǵa artady. Qazir osy tetikpen jumys isteıtin shıkizat tizimin keńeıtý múmkindigin qarastyryp jatyrmyz», dedi Ersaıyn Naǵaspaev.Sondaı-aq elimizde ındýstrııalyq alańdardy basqarýdyń jańa júıesin engizý josparlanyp otyr.
О́nerkásip jáne qurylys mınıstrliginiń málimetinshe, 10,4 trln teńge ınvestısııa tartylǵan 16 arnaıy ekonomıkalyq aımaq, ınvestısııa kólemi 1,6 trln teńgeni quraıtyn 305 joba júzege asyrylyp jatqan 66 ındýstrııalyq aımaq jumys isteıdi.
«Shaǵyn jáne orta bıznesti qoldaý úshin shaǵyn ónerkásiptik aımaqtardy qurý baǵdarlamasy júzege asyrylýda. Búgingi tańda 25 munaı óńdeý zaýyty quryldy, onda 44 kásiporyn jumys istep tur. Aldaǵy ýaqytta ındýstrııalyq alańdardy basqarýdyń jańa tetikterin pysyqtaý jáne túrli kózder esebinen ınfraqurylymdy qarjylandyrýdy qamtamasyz etý josparlanyp otyr», dedi Ersaıyn Naǵaspaev.Otandyq óndiris áleýetin eseleý maqsatynda óndirýshilermen memlekettik satyp alýdaǵy kelisimsharttar somasy 1,5 esege ulǵaıtylǵan. Ersaıyn Naǵaspaev Úkimet otyrysynda ónerkásip alańdaryn damytý boıynsha júrgizilip jatqan jumystardy da atap ótti.
Máselen, memlekettik satyp alý kezinde alýǵa bolatyn otandyq óndiris taýarlarynyń tizbesi 4,8 myń pozısııadan kóbeıgen.
Osy baǵyttaǵy jumystardyń nátıjesinde otandyq óndirýshilermen jasalǵan kelisimsharttardyń jalpy somasy ótken jylmen salystyrǵanda 1,5 ese artqan.
«Samuryq-Qazyna» qorynyń satyp alýlarynda uzaq merzimdi sharttar men offteık-kelisimsharttar jasasý talaptary kúsheıtilgen. Nátıjesinde, 10 aıda Qor kompanııalary 1,3 trln teńgege sharttar men ofteık-kelisimsharttarǵa qol qoıǵan. Bul kórsetkish ótken jyldyń sáıkes kezeńimen salystyrǵanda 2,3 ese kóp.
«Osy jyldyń 1 shildesinen bastap taýar bırjalary arqyly standartqa engizilmegen taýarlardy satyp alý júıesi alynyp tastaldy. Osyǵan baılanysty jer qoınaýyn paıdalanýshylardyń satyp alý alańy – Tizilim jańǵyrtyldy. Qabyldanǵan sharalardyń nátıjesinde 10 aıda jer qoınaýyn paıdalanýshylar 1 trln teńge somasyna sharttar men offteık-kelisimsharttar jasasty. Bul ótken jyldyń kórsetkishinen 7,7 ese artyq», dedi Ersaıyn Naǵaspaev.
