Onyń aıtýynsha, 2024 jyldyń qorytyndysy boıynsha munaı ónimderin óndirý kólemi 14,52 mln tonnany qurady, osy jyly 14,55 mln tonna ónim óndirý kózdelip otyr. 2040 jylǵa deıin munaı ónimderin óndirýdi 14,52-den 29,2 mln tonnaǵa deıin arttyrý josparlanýda. Sonymen qatar 2040 jylǵa qaraı munaı ónimderiniń sapasyn qazirgi ekologııalyq standartynan K4-ten K5+ deńgeıine deıin turaqty túrde jaqsartý jáne syrtqy naryqtarǵa eksporttaý kútilýde.
«2040 jylǵa qaraı zamanaýı otyn-munaı-hımııalyq konfıgýrasııada qýaty 10 mln tonna munaı óńdeıtin jańa úlken syıymdylyqtaǵy iri zaýytty iske qosý jáne óńdeý qýatyn 30-dan 40 mln tonnaǵa deıin arttyrý josparlanýda. Jańa zaýyttyń óńdeý tereńdigi 95%-dy quraıdy. Bul jobalardy júzege asyrý ishki naryqtyń janar-jaǵarmaı materıaldaryna ósip kele jatqan suranysyn 100% qamtamasyz etýge, sondaı-aq munaı ónimderin kórshiles elderge eksporttaýǵa múmkindik beredi», dep atap ótti mınıstr.Sonymen qatar Úkimet otyrysynda energetıka mınıstri bıznes-prosesterdi sıfrlandyrýdyń tıimdiligi týraly esep berdi. Onyń aıtýynsha, «Oil transportation management» aqparattyq júıesiniń iske qosylýy munaı jetkizý kestesin usyný men kesteni bekitý merzimin 7 kúnnen 2 kúnge deıin qysqartyp, munaıdy bólýdi avtomattandyrýǵa múmkindik berdi.
Sonymen qatar 123 munaı bazasyn qamtıtyn «Oil Track» júıesi munaı ónimderiniń aınalymyna táýlik boıy monıtorıng júrgizýdi qamtamasyz etedi.
«Osynyń nátıjesinde ótinimdi óńdeý ýaqytyn 3 saǵattan 10 mınýtqa deıin, otynnyń «sur» aınalymyn 20%-ǵa deıin qysqartty. Qurylǵylardan derekter avtomatty túrde 24/7 rejımde qabyldanyp, úzdiksiz baqylaýdy qamtamasyz etedi. Suranysty boljaý jáne logıstıkany ońtaılandyrý úshin jasandy ıntellektti paıdalaný múmkindigi qarastyrylýda», dep atap ótti mınıstr.
