Mýzeı dırektory Muhambetqalı Kıpıevtiń aıtýynsha, 2023–2024 jyldary Qyzylqoǵa aýdanyndaǵy atalǵan qorymdarǵa arheologııalyq qazba jumysy júrgizilipti. Arheologter bizdiń zamanymyzǵa deıingi V–IV ǵasyrlarǵa jatatyn qundy qazynany zerttep, qalpyna keltirdi.
«Bul jádigerler – sarmat taıpalarynyń óshpes tarıhy. Erte kezeńdegi taıpalardyń órkenıeti, qolóneri, áskerı mádenıeti jáne dinı-ǵuryptyq dástúri joǵary deńgeıde damyǵanyn aıqyn kórsetedi», deıdi M.Kıpıev.
Kóne tarıhtyń kómbesi sekildi eski qorymdardan tabylǵan altyn buıymdardan birneshe ańnyń beınesi anyq kórinedi. Máselen, altyn toǵadan qos jolbarys pen qos arqar kórýge bolady. Al altyn bileziktiń eki ushynda barystyń músini beınelenipti. Synama tasta altyn tutqa bar.
Ań stılindegi japsyrmalar, bir oramdy alqa, bilezik pen syrǵa da qyzyqtyrady. Kún men jarty aı beıneli salpynshaq syrǵanyń jóni bólek. Aǵash ydystyń japsyrmalary ań stılinde jasalypty.
Atyraý oblysy
