Foto: islam.kz
Oǵan otbasyn qoldaý ortalyqtary, mobıldi toptar, qamqorshylyq organdary, BAQ, jastar isi jónindegi ortalyqtar, ýákiletti organdar jáne kásipkerler kiredi.
Májilistiń baspasóz qyzmeti profılaktıka modeliniń ózi qaıta qaralatynyn málimdedi. Endi oǵan jalpy, jeke jáne arnaıy sharalar engiziledi.
Ákimshilik quqyqbuzýshylyq týraly kodekske engizilgen túzetýlerde qoǵamdyq oryndarda betti jaýyp turatyn, bet álpetin tanýǵa kedergi keltiretin kıim (nıqab) kıgeni úshin ákimshilik jaza qarastyrylǵan.
Osy sıpattaǵy quqyqbuzýshylyq birinshi ret jasalsa eskertý berilip, qaıtalanǵan jaǵdaıda 10 AEK kóleminde aıyppul salynady. Zańǵa qaıshy kontentti jarııalaǵandar men taratqandarǵa, sondaı-aq memlekettik organdardyń buzýshylyqtardyń sebebin joıý týraly nusqaýlaryn qasaqana oryndamaǵandarǵa qatysty da jaýapkershilik engiziledi.
Sondaı-aq tabıǵı jáne tehnogendik tótenshe jaǵdaılardyń aldyn alý boıynsha azamattyq qorǵanys sharalaryn oryndamaǵany úshin memlekettik laýazymdy tulǵalar men jergilikti bılik organdaryna jańa jaýapkershilik júkteıtin túzetýler engizildi. Endi Tótenshe jaǵdaılar mınıstrligi mundaı adamdardy jaýapkershilikke tartýǵa quqyly.
