Foto: egemen.kz/Erlan Omar
Dollar baǵasy artyp, teńge álsireginde taýar quny, tarıf mólsheri óse túsedi. Ýaqyt óte dollar tómendegenmen, azyq-túlik, logıstıka, tarıf baǵasy ózgerissiz qalady.
Ulttyq bank teńge baǵamy men baǵanyń bul mehanızmin 2022 jyly túsindirgen bolatyn. Onda teńgeniń qunsyzdanýy baǵanyń kóterilýine soqtyrsa, al nyǵaıýy ınflıasııaǵa áser etpeıdi.
Nelikten bulaı?
FINANCE.kz telegram arnasynyń túsindirýinshe, mundaı kezde kásiporyndar baǵany ile-shala kóterýge májbúr bolady. Áıtpegende tabysy tómendep, bıznestiń qurdymǵa ketýi yqtımal. Ulttyq valıýta nyǵaıyp, logıstıkalyq qyzmet quny tómendese de kompanııa jalaqyny kóterip, jaldaý aqysy qymbattaýy múmkin. Sondyqtan kásip turalamaý úshin taýar ne qyzmet baǵasyn tómendetýge múmkindik joq.
Ulttyq bank naryqta baǵa tómendeýi úshin keminde 6 aı nemese bir jyl jaǵdaı turaqty saqtalýy kerek ekenin alǵa tartady.
Sondyqtan dál qazir baǵa tómendeýi úshin dollar kýrsy kem degende 1 jyl boıy 500 teńge shamasynda turaqtaýy qajet.
