Osy baǵytta Túrkııanyń astanasy Ankarada alǵash ret qazaq jazýshysynyń fılosofııalyq prozasyn túrik oqyrmandaryna jańa qyrynan tanytatyn «Ábish Kekilbaevtyń hıkaıattar álemi» atty ǵylymı-tanymdyq eńbek baspadan shyqty. Bul týraly Qoǵamdyq kommýnıkasııa ortalyǵynda ótken brıfıngte Sh.Esenov atyndaǵy Kaspıı tehnologııalar jáne ınjınırıng ýnıversıtetiniń professory Ádilet Qabylov aıtty.
Spıkerdiń aıtýynsha, kitap avtorlary - túrkııalyq jáne qazaqstandyq professorlar Orhan Sóılemez, Ádilet Qabylov jáne zertteýshi Sefa Bashımoǵlý.
– Ankaradaǵy Spica Works baspasynan shyqqan bul eńbek Ábish áleminiń kórkemdik, etıkalyq jáne metafızıkalyq tereńdigin túrik ádebıettaný dástúrimen sabaqtastyra otyryp taldaǵan alǵashqy eńbekterdiń biri sanalady. Á.Kekilbaıulynyń shyǵarmashylyq murasy túrki tildes rýhanı keńistikte de jańasha ǵylymı paıymmen baǵalana bastady, – dedi Ádilet Qabylov.
Brıfıng barysynda ýnıversıtet professory Naǵbdý Qamarova «Ábishtaný» oqý quralynyń mazmunyna toqtaldy.
– Ǵylym jáne joǵary bilim mınıstrliginiń granttyq jobasy aıasynda bıyl Yessenov ýnıversıtetiniń professor-oqytýshylary Ádilet Qabylov, Naǵbdý Qamarova jáne Baqtybaı Jaılaýdyń avtorlyǵymen «Ábishtaný» oqý quraly jaryq kórdi. Ol eńbegimiz qazirdiń ózinde «Qazaq tili men ádebıeti» jáne «Fılologııa» mamandyqtaryna oqytylyp keledi. Oqý quraly Ábish Kekilbaıulynyń poezııa, proza, dramatýrgııa, pýblısıstıka jáne aýdarma salalaryndaǵy shyǵarmashylyǵyn júıeli túrde taldap, qalamger murasynyń ıdeıalyq-kórkemdik jáne ádebı-teorııalyq mánin ashyp kórsetedi, – dedi Naǵbdý Qamarova.
Nazarbaev ýnıversıtetiniń oqytýshysy Mustafa Shoqaıdyń aıtýynsha, bıyl kólemdi ujymdyq ǵylymı eńbek «Ábish Kekilbaıuly shyǵarmashylyǵy qoǵamdyq sananyń jańǵyrýy konteksinde» atty monografııa jazylyp, baspadan shyqty.
– Bul monografııa - Á.Kekilbaıuly shyǵarmashylyǵyn ulttyq sana men rýhanı jańǵyrý ıdeıalary turǵysynan jańa ǵylymı deńgeıde paıymdap, qalamger murasynyń kórkemdik-fılosofııalyq júıesin keshendi túrde taldaǵan tuńǵysh akademııalyq zertteý. Monografııanyń avtorlary - professorlar Ádilet Qabylov, Naǵbdý Qamarova, Orhan Sóılemez jáne PhD doktor Mustafa Shoqaı. Keshendi eńbek stýdentter men magıstranttarǵa ǵana emes, keń aýqymdy oqyrman qaýymǵa arnalǵan. Atalǵan eńbek Ankaradaǵy Spica Works baspasynan shyqty, – dedi Mustafa Shoqaı.
Mańǵystaý oblysy
