Bul týraly Sırııa prezıdenti Ahmed ash-Sharaa Dohada, Katar astanasynda ótken "Ádilet is júzinde: ýádelerden ilgerileýge" atty 23-forýmda aıtty.
Ahmed ash-Sharaa ótpeli kezeńde eshbir úkimet qoǵamnyń barlyq tobynyń tolyq kelisimine qol jetkize almaıtynyn atap ótti. Onyń sózinshe, sońǵy bir jylda oryn alǵan keıbir oqıǵalardy olar múlde qabyldaı almaıdy, al kináliler sotqa tartylǵan.
Prezıdent eldegi elektrmen qamtamasyz etý jaǵdaıy aıtarlyqtaı jaqsarǵanyn da jetkizdi.
«Biz bılikke kelgen kezde elektr kúnine nebári 1,5 saǵat beriletin. Qazir bul ýaqyt 12–14 saǵatqa deıin uzardy. Jyl sońyna qaraı tolyq ózin-ózi qamtý deńgeıine jetemiz», dedi ol.
Ash-Sharaa osy kontekste bastalǵan bes jyldyq ótpeli kezeń aıaqtalǵannan keıin, tórt jyldan soń elde saılaý ótetinin jarııalady.
Ol Sırııanyń bolashaǵy jeke tulǵalarǵa emes, ınstıtýttarǵa súıengen basqarý modeline negizdeletinin, al úkimettegi ókildik qaǵıdatynyń biliktilikke qaraı qamtamasyz etiletinin atap ótti.
Prezıdent burynǵy rejım qulatylǵannan keıin elde jańa úkimet qurylǵanyn, ótpeli kezeńniń «jol kartasy» kúshine engenin eske saldy.
Onyń aıtýynsha, Halyq keńesine saılaý da osy ótpeli prosess aıasynda ótti.
Tórt jyldan keıin jalpyulttyq saılaýdy mindetti túrde ótkizemiz, – dedi ol.
Ekonomıkany qalpyna keltirýdiń mańyzyn atap ótken ash-Sharaa AQSh-pen "Sezar" zańy boıynsha salynǵan sanksııalardy alyp tastaý jónindegi kelissózder jalǵasyp jatqanyn, bul bastamany Tramp ákimshiligi qoldap otyrǵanyn aıtty.
Sondaı-aq ol burynǵy bılik «dinı qaýymdar arasyndaǵy shıelenisti kúsheıtkenin» aıta kele, ótpeli kezeńde qylmystardy, ásirese jaǵalaý aımaqtary men Sýveıdadaǵy quqyqbuzýshylyqtardy zertteıtin komıssııalar qurylǵanyn jetkizdi.
«Bul eki óńirdegi oqıǵalardyń túbiri – qulatylǵan rejımniń aýyr murasy. Sol rejımniń qurbany – barlyǵy», dep túıindedi Sırııa prezıdenti.
