Ekstremıstik zorlyqqa qarsy kúres

AQSh-tyń Memlekettik departamenti ǵımaratynda ekstremıstik zorlyqqa qarsy áreket etý boıynsha sammıt bolyp ótti. Onyń jumysyna álem elderinen 60-tan asa delegasııa, sonyń ishinde memlekettik jáne memlekettik emes uıymdardyń, azamattyq qoǵam ókilderi, sarapshylar, din basshylary qatysty. Atalmysh forýmda qazaqstandyq delegasııaǵa Bas Prokýror Ashat Daýylbaev jetekshilik etti. Forýmnyń basty maqsaty ekstremıstik zorlyqqa qarsy is-áreket josparyn ázirleý bo­lyp tabylady, bul jospar BUU Bas Assambleıasy memleket bas­shylarynyń kezdesýinde qabyl­danady dep kútilýde. Kún tárti­binde qozǵalǵan negizgi taqy­ryptar ekstremızmdi zorlyq damýy­nyń aldyn alý, onyń basty qoz­ǵaýshy kúshin joıý, qaýipsiz qaýymdastyqtar qurýǵa qatysty máseleler boldy. Sammıttiń ashylý saltanatynda AQSh Memlekettik hatshysy Djon Kerrı jáne BUU-nyń Bas hatshysy Pan Gı Mýn sóz sóıledi. Forýmnyń birinshi sessııasynan soń AQSh Prezıdenti Barak Obama baıandama jasady. Al forýmda sóz sóılegen A.Daýylbaev ekstremıstik zor­lyqtyń barlyq túriniń aldyn alý jáne olarǵa qarsy kúresýde álemniń barlyq elderiniń kúshin jumyldyrý ıdeıasyn qoldaı otyryp, elimizde ekstremızm men terrorızmniń aldyn alý boıynsha qabyldanyp jatqan sharalar týraly baıandady. Bas Prokýror atap ótkendeı, halyqaralyq qaýipsizdikke qater týǵyzatyn ekstremızm men terrorızm oǵan qarsy tosqaýyl qoıýdyń jańa tásilderin jáne álem­dik qaýymdastyqtyń neǵur­lym tereń ıntegrasııasyn talap etedi. A.Daýylbaevtyń pikirinshe, ortaq kúsh radıkaldy ıdeologııany taratýdyń aldyn alý jáne ony joıýǵa, ekstremızm men terrorızm profılaktıkasynyń tıimdi tásilderi boıynsha tájirıbe almasýǵa, áskerı is-qımyldarǵa qatysý úshin azamattardyń shetelderge shyǵýyna jol bermeýge, ózge elder terrıtorııasynda jasyrynýǵa tyrysqan radıkaldy elementterdi ýaqtyly izdestirý jáne qamaýǵa alýǵa, terrorızmdi qarjylandyrý faktilerine jol bermeýge baǵyttalýy tıis. Sóz sońynda Bas Prokýror ekstremıstik zorlyq boıynsha kelesi aımaqtyq sammıtti osy jyly Astana qalasynda ótkizýdi usyndy. Forýmnyń qorytyndysy boıynsha Birlesken kommıýnıke qabyldanyp, onda qatysýshylar ekstremızmniń barlyq túrlerine qarsy kúresýge ózderiniń shynaıy nıetin bildirdi, sonymen qatar, qoǵamnyń radıkaldanýyna qarsy turýda álemdik qaýymdastyqtyń kúshin jandandyrý qajettigin atap ótti. Osyǵan oraı, ekstremızmmen kúreste azamattyq qoǵamnyń, sondaı-aq jastardyń, áıelderdiń, dinı, mádenı jáne bilim berý uıym­dary basshylarynyń róli óte zor ekendigi aıtyldy. Áleý­mettik, ekonomıkalyq jáne saıa­sı saladaǵy, ásirese, zorlyq ekstre­mızmge tótep bere almaı­tyn azshylyqqa qatysty másele­lerdi sheshýge basa nazar aýdaryl­dy. Sóıtip, otyrysqa qatysýshy­lardyń ortaq pikirinshe, Vashıng­ton sammıti ekstremızmdi taratý jáne nasıhattaýǵa qarsy áre­ket etýdiń jalpyǵa ortaq baǵdar­lamasyn ázirleýge jáne onyń aldyn alý boıynsha tıisti sharalardy daıyndaýǵa baǵyttalǵan dúnıejúzi boıynsha ótetin aı­maqtyq kezdesýler men basqa da is-sharalardyń bastamasy bolyp tabylady, dep habarlady Bas prokýratýranyń baspasóz qyzmeti.