Foto: Planespotters.net
Mınıstr bul ótken jyldyń sáıkes kezeńimen salystyrǵanda 6,5%-ǵa artyq ekenin atap ótti. Júkterdi áýe kóligimen tasymaldaý kezindegi negizgi sıfrlyq qural – e-Freight júıesi. Búgingi tańda júıeni eldiń barlyq áýejaılary men avıakompanııalary paıdalanyp otyr. Bul IATA halyqaralyq standartyna sáıkes keledi.
«Qazirgi ýaqytta memlekettik organdar ımporttyq jáne eksporttyq kedendik deklarasııa, fıtosanıtarııalyq jáne veterınarııalyq baqylaý boıynsha ıntegrasııalyq jumystardy pysyqtap jatyr. Bul bıznes-prosesterdi tolyq avtomattandyrýǵa múmkindik beredi», dedi Nurlan Saýranbaev.Al temirjol kóligimen júk tasymaldaý kólemi osy jyldyń 10 aıynda 380,3 mln tonnany qurady, bul ótken jyldyń uqsas kezeńimen salystyrǵanda 7,9%-ǵa artyq. Digital Trade Coridor sııaqty salany sıfrlandyrý bastamalary tranzıttik júk aǵynyn arttyrýǵa baǵyttalǵan. Elektrondyq deklarasııalaý jáne biryńǵaı tereze arqyly qyzmet kórsetý kedergilerdi joıýǵa jáne halyqaralyq tasymaldaýshylardyń senimin arttyrýǵa yqpal etedi.
«Qazirgi ýaqytta temirjol salasynda 250-den astam aqparattyq júıe bar. Saladaǵy mańyzdy aspekt – sıfrlyq transformasııany júrgizý jáne halyqaralyq tájirıbeni eskere otyryp, osy maqsattaǵy IT-arhıtektýrany qalyptastyrý», dep atap ótti N.Saýranbaev.
