Prezıdent Qasym-Jomart Toqaev qol qoıǵan respýblıkalyq úshjyldyq bıýdjetke sáıkes, 2026 jyly bir AEK 4 325 teńge bolyp bekitildi. Bul 2025 jylmen salystyrǵanda 393 teńgege kóp. Osylaısha, Polısııa departamentteri qoldanatyn barlyq aıyppul sanksııalary da avtomatty túrde qymbattaıdy.
Jyldamdyqty arttyrǵany úshin aıyppul mólsheri tómendegideı bolady:
– 10-20 km/saǵ aralyǵynda asyrý – 5 AEK (21 625 teńge);
– 20-40 km/saǵ – 10 AEK (43 250 teńge);
– 40-60 km/saǵ – 20 AEK (86 500 teńge);
– 60 km/saǵ jáne odan joǵary – 40 AEK (173 000 teńge).
5 AEK kólemindegi (21 625 teńge) aıyppul myna jaǵdaılarda salynady:
– Júrgizýshi kýáliginiń nemese saqtandyrý polısiniń bolmaýy;
– Jolaýshylar men júkterdi tasymaldaý talaptaryn buzý;
– Qaýipsizdik beldigin taqpaý;
– Ruqsatsyz telefon paıdalaný;
– Aldyńǵy áınekterdi zańsyz qaraıtý;
– Tehnıkalyq baıqaýdan ótpegen kólikti basqarý.
10 MRP (43 250 teńge) aıyppul kózdeledi:
– Memlekettik tirkeý nómirinsiz kólik júrgizý;
– Toqtaý nemese avtoturaq erejelerin buzý;
– Tyıym salynǵan jerde keri júrý;
– Baǵdarshamnyń qyzyl túsine nemese retteýshiniń tyıym salýyna baǵynbaý;
– Temirjol ótkelinen tyıym salynǵan jaǵdaıda ótý.
15 AEK (64 875 teńge) aıyppul salynady:
– Jol berý mindetin oryndamaý;
– Trotýarmen, jaıaý júrginshiler jolymen nemese shetki bólikpen júrý;
– Tejegish, rýl, tirkemelik qurylǵysy aqaýly kólikti basqarý;
– Arnaıy ruqsatsyz qaıta jabdyqtalǵan kólikti júrgizý.
Budan da joǵary aıyppuldar:
– Jol-kólik oqıǵasyna ákelgen jol qaýipsizdigi talaptaryn buzý – 20 AEK (86 500 teńge);
– Polısııa qyzmetkeriniń toqtaý talabyn oryndamaý – 30 AEK (129 750 teńge);
– Jalǵan nemese qoldan jasalǵan nómirlermen kólik júrgizý – 20 AEK (86 500 teńge);
– Jol-kólik oqıǵasy bolǵan jerden ketip qalý – 50 MRP (216 250 teńge).
2026 jylǵy aıyppuldardyń ósýi AEK kórsetkishiniń ózgerýine sáıkes barlyq quqyqbuzýshylyqtarǵa qatysty sanksııalardyń qaıta esepteletinin bildiredi.
