Fotolar: Qala ákimdigi
Qalanyń Ekologııa jáne qorshaǵan orta basqarmasynyń ókilderiniń aıtýynsha, qalalyq shyǵaryndylardyń shamamen 60%-y avtokólikterden shyǵady. 2025 jyly Eco Almaty jáne «Renessans plıýs» kompanııasy qyzmetkerleri 186 000-nan astam ólshem júrgizip, 20 000-ǵa jýyq hattama jasapty. Al salynǵan aıyppuldardyń jalpy somasy 653 mln teńgeden asty.
Eske salaıyk, «Almaty qalasynyń aýmaǵynda atmosferalyq aýany qorǵaý salasyndaǵy arnaıy ekologııalyq talaptardy engizý týraly» jańa erejeler jobasy ázirlengen. Qujat qazir kelisý rásiminen ótip jatyr. Ereje halyq pen bızneske qoldaý sharalaryn engizýge, ekologııalyq tehnologııaǵa kóshýge jáne avtoparkti jańartýǵa quqyqtyq negiz qalyptastyrady.
Qala ákimdiginiń málimetinshe, erejeler qabyldanǵannan keıingi nátıje jan-jaqty bolmaq. Negizgi lastaýshy retinde avtopark basty ekologııalyq baqylaýǵa alynady. Buryn retteýge shamaly tartylǵan III sanattaǵy kásiporyndar da jańa talaptarǵa baǵynady: olar ekologııalyq normalardy saqtaýǵa jáne tekserýden ótýge mindetti. Sonymen qatar aýa sapasyn jedel baqylaýǵa múmkindik beretin biryńǵaı monıtorıng júıesi qurylyp, turǵyndarǵa ashyq derekter usynylady. Qalada LEZ aımaqtar paıda bolady. Bul kólik qozǵalysyna ekologııalyq talaptar engiziletin aýmaqtar, olardyń maqsaty – aýa lastanýyn azaıtý jáne qalalyq ortany jaqsartý.
