Foto: Aqorda
Qasym-Jomart Toqaevqa kompanııanyń bıyl atqarǵan jumysynyń aldyn ala nátıjeleri men ınvestısııalyq baǵdarlamalardy iske asyrýdyń negizgi baǵyttary tanystyryldy. Kompanııa qyzmetinde oń dınamıka baıqalady. Eki jylda bolat óndirisi 22 paıyzǵa, kómir konsentraty 26 paıyzǵa, temir keni 32 paıyzǵa artty. О́nimniń ózindik quny 28 paıyzǵa arzandap, shyǵarylatyn markalardyń túri 260-tan 350-ge deıin ulǵaıdy.
Andreı Lavrentev 9 iri ınvestısııalyq jobadan turatyn keshendi baǵdarlamany júzege asyrý jaıynda baıandady. Bul bastama eldegi bolat óndirisin júıelep, metall prokaty ımportyn tómendetýdi kózdeıdi. Budan bólek, bolattyń joǵary sapaly jańa markalaryn, sonyń ishinde atom elektr stansııasynyń qurylysyna arnalǵan ónim shyǵarý jolǵa qoıyla bastady.
Prezıdentke kómir jáne taý-ken baǵytyn damytý baǵdarlamasy tanystyryldy. Eńbek qaýipsizdigi men áleýmettik bastamalarǵa basa mán berildi. «Qarmet» kompanııasyna qarasty medısınalyq jáne bilim berý uıymdary jańǵyrtylyp jatyr. Kompanııa men kásipodaqtar arasynda jańa ujymdyq kelisimshart jasaldy. Qujat 35 myń eńbekkerge áleýmettik kepildik berýdi qarastyrady.
Memleket basshysyna «Qarmet» janynan iri metallýrgııalyq klaster qurylyp jatqany týraly aıtyldy. Bul shaǵyn jáne orta kásiporyndardyń shıkizatty tereń óńdeýmen aınalysýyna múmkindik beredi. Baǵdarlama «Báıterek» ulttyq ınvestısııalyq holdıngimen birge iske asyrylmaq. Sondaı-aq mashına jasaý zaýyttarynyń óndiris barysynda otandyq bolatty paıdalanýy boıynsha júıeli jumys júrgizilip jatyr.
Kezdesý sońynda Prezıdent «Qarmet» metallýrgııa kesheninde atqarylǵan jumysqa oń baǵasyn berip, damý josparyna qoldaý bildirdi. Sonymen qatar kásiporyndy jan-jaqty jańǵyrtý, áleýmettik máselelerdi sheshý, ekologııalyq jaǵdaıdy jaqsartý, mashına jasaý óndirisin jandandyrý sharalaryn jalǵastyrýdyń mańyzyna toqtaldy.
