Akbar Májıt – ultymyz úshin kórnekti tulǵa. Qytaı tilinde qalam terbeıtin birden-bir qazaq qalamgeri. Qytaı astanasyndaǵy «Qytaı jazýshylary» baspa toby dırektorynyń orynbasary, «Qytaı jazýshylary» ádebı jýrnalynyń bas redaktory bolyp qyzmet atqarǵan.
Qalamgerdiń «Qaıran on bestegi Qalıda-aı», «Aqsaq qulan», «Muhammet paıǵambar», «Muqalı» sııaqty shyǵarmalary jaryq kórgen. Abaıdyń qara sózderin qytaı tiline aýdarǵan. QHR Halyqtyń saıası keńesiniń múshesi, úsh márte QHR Memlekettik syılyǵynyń, II dárejeli «Dostyq» ordeniniń ıegeri.
