Foto: pixabay.com
Aýyl sharýashylyǵy vıse-mınıstri Amanǵalı Berdalınniń aıtýynsha, Qazaqstanda et satylatyn núktelerde onyń qaýipsizdik talaptaryna sáıkestigin kúndelikti baqylaý engizý josparlanyp otyr.
Aýyl sharýashylyǵy mınıstrligi veterınarııa týraly zańǵa sáıkes túzetýler ázirlep jatyr. О́zgeristerdiń ishinde dúken sórelerine jetkiziletin etti tekserýge kedergi keltiretin tosqaýyldardy joıý qarastyrylǵan.
«Qazirgi tańda Kásipkerlik kodeks veterınarlyq ınspektorlarǵa jeke mekemelerge barýǵa tyıym salady. Tipti olarǵa veterınarlyq stansııalar men pýnktterdi de tekserýge bolmaıdy. Ol tıisti rásimnen ótip, prokýratýra arqyly tirkelýi kerek. Sondyqtan biz qazir veterınarııa týraly zańnan osy bapty alyp tastaǵymyz keledi», dedi Amanǵalı Berdalın.
Mınıstrlik dúkender men saýda núktelerinde kúndelikti baqylaý engizýdi josparlap otyr. Bul shara sáıkes kelmeıtin ónimderdiń satylýyn boldyrmaýǵa kómektesedi dep sanaıdy vıse-mınıstr. Sonymen qatar, zań tekserilmegen etti satqany úshin jaýapkershilikti qatańdatady, tipti qylmystyq jaýapkershilikke deıin qarastyrady.
