Qala basshysynyń málimetinshe, qazirgi tańda qoldanystaǵy lıseı ǵımaraty moraldyq turǵydan eskirip, kúrdeli jóndeýdi qajet etedi. Osyǵan baılanysty jaratylystaný baǵytyndaǵy jáne daryndy balalarǵa arnalǵan zamanaýı talaptarǵa saı jańa oqý ornyn salý týraly sheshim qabyldanǵan.
Budan bólek, Taldyqorǵanda bilim berý ınfraqurylymyn keńeıtýge arnalǵan birneshe joba qolǵa alynǵan. Atap aıtqanda, «Qulager» jáne «Batys» shaǵyn aýdandarynda árqaısysy 1200 oryndyq jańa mektepterdiń jobalyq-smetalyq qujattary ázirlenip, qurylys jumystary kelesi jyly bastalady dep josparlanýda.
Aıta ketý kerek, búginde qala mektepterinde 37 myńnan astam oqýshy bilim alýda. Onyń ishinde shamamen 4 myń bala – bıyl mektep tabaldyryǵyn attaǵan 1-synyp oqýshylary.
