Saıasat • 16 Jeltoqsan, 2025

IýNESKO tizimine enedi

30 ret

kórsetildi

1 mın

oqý úshin

Úndistannyń Nıý-Delı qalasynda ótip jatqan IýNESKO-nyń Materıaldyq emes mádenı murany qorǵaý jónindegi úkimetaralyq komıtetiniń 20-sessııasynda «Kıiz úıdi jasaý jáne qoldaný dástúri» atalymyn keńeıtý týraly sheshim qabyldandy. Bul týraly Memlekettik keńesshi Erlan Qarın áleýmettik jelidegi paraqshasynda jazdy.

Marjan ÁBISh

Atalǵan element alǵash ret 2014 jyly Qazaqstan men Qyrǵyzstannyń birlesken usynysymen tizimge engen. Endi keńeıtilgen nusqa kıiz úıdi álemdik mádenı muranyń ajyramas bóligi retinde tanytý múmkindigin arttyryp, Ortalyq Azııa halyqtarynyń ortaq murasyna aınalǵanyn aıǵaqtaıdy.

«Qazaqstan buǵan deıin IýNESKO-nyń materıaldyq emes mádenı muralarynyń Reprezentatıvti tizimine 14 atalymdy engizgen. Bul kórsetkish boıynsha elimiz álemniń 183 memleketi ishinde úzdik 25 eldiń qataryna kiredi», dedi Erlan Qarın.

Qazirgi ýaqytta bizdiń eldiń birneshe jańa ótinimi IýNESKO qaraýynda tur. Atap aıtsaq, «Salbýryn» ulttyq dástúri, «Keste tigý óneri» (Qazaqstan, О́zbekstan, Tájikstan), «Kıiz basý óneri» (Qazaqstan, Qyrǵyzstan, Ázerbaıjan, Iran, Mońǵolııa, Tájikstan, Túrkııa, О́zbekstan), «Alpamys jyry» (Qazaqstan, Ázerbaıjan, Túrikmenstan, Túrkııa, О́zbekstan), «Taqııa» dástúri (Qazaqstan, Túrikmenstan, Ázerbaıjan, Qyrǵyzstan, Tájikstan, О́zbekstan, Túrkııa).

Bul atalymdardyń IýNESKO tizimine enýi qazaq mádenıeti men Ortalyq Azııanyń ortaq murasyna halyqaralyq deńgeıde jańa mártebe bereri anyq.