QOSTANAI. 22 aqpan. Qostanaıda Qazaq dalasynyń qola dáýirindegi ejelgi turǵyndarynyń DNK-syn zertteý jónindegi halyqaralyq joba sheńberinde zertteý júrgizetin bir top skandınavııalyq ǵalymdar bolyp ketti. Bul týraly egemen.kz tilshisi habarlady.
Kopengagen ýnıversıteti, Bıogenetıka ortalyǵy, Danııadaǵy Tabıǵat tarıhı mýzeıi, Norvegııadaǵy Kon-Tıka mýzeıi Qaraǵandydaǵy E.Býketov atyndaǵy ýnıversıtettiń Saryarqa arheologııa ınstıtýtymen, A.Baıtursynov atyndaǵy Qostanaı memlekettik ýnıverosıtetindegi arheologııalyq mýzeımen, Qostanaı oblystyq tarıhı-ólketaný mýzeıimen, Pavlodar memlekettik ýnıversıtetindegi arheologııalyq zertteý ortalyǵymen birlese otyryp, Eýrazııaǵa úndieýropalyq kósh mátinindegi Qazaqstandaǵy ejelgi turǵyndardyń DNK-syn zertteý jobasyn júzege asyrmaq. Sońǵy jyldary ǵalymdar arasynda Kavkaz, Eýropa, Azııa arqyly jyljyǵan úndieýropalyq jurttyń ejelgi otany týraly másele jıi qozǵalyp júr. Qazaqstan dalasyndaǵy Syntasty-Petrov, Andron, Beǵazy-Dándibaı mádenıetteri ejelgi halyqtyń kóshimen tyǵyz baılanysty. Bizdiń dáýirimizge deıingi P myń jyldyqtaǵy adamdardyń DNK-syn zertteý ejelgi kóshtiń jolyn jáne úndieýropalyq adamdardyń, olardyń eń basty toby úndiırandyq jurttyń quralý ortalyǵyn anyqtaýǵa múmkindik beredi. Bul oraıda qazaqstandyq arheologtar tapqan qola dáýiriniń qańqalary mańyzdy rol atqarady. Mundaı halyqaralyq jumys Qazaqstanda birinshi ret qolǵa alynyp otyr. Qola qańqalarynyń DNK-syn zertteý osyǵan deıin Kavkaz ben Qara teńiz jaǵalaýy elderinde júrgizildi.
Arheolog Emma Ýsmanova: «Bizde arheologııa tapqan ejelgi dúnıeniń qyzyqty jádigerleri jetkilikti. Alaıda, qazaq dalasynda ejelgi adamdar qalaı ornalasqany jóninde eshqandaı naqty dálel osy kúnge deıin joq», dedi. Qostanaı oblystyq tarıhı-ólketaný mýzeıinde, Lısakov qalalyq jáne Qostanaı memlekettik ýnıversıtetiniń arheologııa mýzeıinde qola dáýiriniń sırek kezdesetin baı jádigerleri bar.
Oblystyq tarıhı-ólketaný mýzeıiniń ǵylymı qyzmetkeri Galına Satalkına: «Skandınavııalyq arheolog-ǵalymdar bizdiń oblystaǵy mýzeılerdiń arheologııaǵa qatysty bólimderin aralady, materıaldarmen tanysty. Bizdiń jádigerlerdiń baılyǵyna, onyń saqtalýyna, olar týraly jazylǵan saýatty ǵylymı anyqtamalarǵa tańqalyp ketti», deıdi. Halaqyaralyq zertteý tobynyń quramynda Vegard Stromsod, ataqty saıahatshy, óziniń bar ǵumyryn álemdik adamzat kóshin zertteýge arnaǵan Týr Heıerdaldyń qyzy Bettına Heıerdal, Kore Laıf Hollevık, Pıter de Barros Damgaard jáne Qazaqstandaǵy zertteý tobynyń jetekshisi Stýrla Ellıngvag bar. Skandınavııalyq ǵalymdar qola dáýiri qańqalarynyń barlyǵyn emes, bas súıektiń bir tisin ǵana alyp ketedi. Olar ejelgi jádigerdiń saqtalýyn moınyna alyp otyr.
Názıra Járimbetova.
Derek, sýret: egemen.kz.
QOSTANAI. 22 aqpan. Qostanaıda Qazaq dalasynyń qola dáýirindegi ejelgi turǵyndarynyń DNK-syn zertteý jónindegi halyqaralyq joba sheńberinde zertteý júrgizetin bir top skandınavııalyq ǵalymdar bolyp ketti. Bul týraly egemen.kz tilshisi habarlady.
Kopengagen ýnıversıteti, Bıogenetıka ortalyǵy, Danııadaǵy Tabıǵat tarıhı mýzeıi, Norvegııadaǵy Kon-Tıka mýzeıi Qaraǵandydaǵy E.Býketov atyndaǵy ýnıversıtettiń Saryarqa arheologııa ınstıtýtymen, A.Baıtursynov atyndaǵy Qostanaı memlekettik ýnıverosıtetindegi arheologııalyq mýzeımen, Qostanaı oblystyq tarıhı-ólketaný mýzeıimen, Pavlodar memlekettik ýnıversıtetindegi arheologııalyq zertteý ortalyǵymen birlese otyryp, Eýrazııaǵa úndieýropalyq kósh mátinindegi Qazaqstandaǵy ejelgi turǵyndardyń DNK-syn zertteý jobasyn júzege asyrmaq. Sońǵy jyldary ǵalymdar arasynda Kavkaz, Eýropa, Azııa arqyly jyljyǵan úndieýropalyq jurttyń ejelgi otany týraly másele jıi qozǵalyp júr. Qazaqstan dalasyndaǵy Syntasty-Petrov, Andron, Beǵazy-Dándibaı mádenıetteri ejelgi halyqtyń kóshimen tyǵyz baılanysty. Bizdiń dáýirimizge deıingi P myń jyldyqtaǵy adamdardyń DNK-syn zertteý ejelgi kóshtiń jolyn jáne úndieýropalyq adamdardyń, olardyń eń basty toby úndiırandyq jurttyń quralý ortalyǵyn anyqtaýǵa múmkindik beredi. Bul oraıda qazaqstandyq arheologtar tapqan qola dáýiriniń qańqalary mańyzdy rol atqarady. Mundaı halyqaralyq jumys Qazaqstanda birinshi ret qolǵa alynyp otyr. Qola qańqalarynyń DNK-syn zertteý osyǵan deıin Kavkaz ben Qara teńiz jaǵalaýy elderinde júrgizildi.
Arheolog Emma Ýsmanova: «Bizde arheologııa tapqan ejelgi dúnıeniń qyzyqty jádigerleri jetkilikti. Alaıda, qazaq dalasynda ejelgi adamdar qalaı ornalasqany jóninde eshqandaı naqty dálel osy kúnge deıin joq», dedi. Qostanaı oblystyq tarıhı-ólketaný mýzeıinde, Lısakov qalalyq jáne Qostanaı memlekettik ýnıversıtetiniń arheologııa mýzeıinde qola dáýiriniń sırek kezdesetin baı jádigerleri bar.
Oblystyq tarıhı-ólketaný mýzeıiniń ǵylymı qyzmetkeri Galına Satalkına: «Skandınavııalyq arheolog-ǵalymdar bizdiń oblystaǵy mýzeılerdiń arheologııaǵa qatysty bólimderin aralady, materıaldarmen tanysty. Bizdiń jádigerlerdiń baılyǵyna, onyń saqtalýyna, olar týraly jazylǵan saýatty ǵylymı anyqtamalarǵa tańqalyp ketti», deıdi. Halaqyaralyq zertteý tobynyń quramynda Vegard Stromsod, ataqty saıahatshy, óziniń bar ǵumyryn álemdik adamzat kóshin zertteýge arnaǵan Týr Heıerdaldyń qyzy Bettına Heıerdal, Kore Laıf Hollevık, Pıter de Barros Damgaard jáne Qazaqstandaǵy zertteý tobynyń jetekshisi Stýrla Ellıngvag bar. Skandınavııalyq ǵalymdar qola dáýiri qańqalarynyń barlyǵyn emes, bas súıektiń bir tisin ǵana alyp ketedi. Olar ejelgi jádigerdiń saqtalýyn moınyna alyp otyr.
Názıra Járimbetova.
Derek, sýret: egemen.kz.
