Ishki ister mınıstriniń orynbasary Igor Lepeha betti jasyratyn kıimge qatysty shekteýlerdi kózdeıtin zańnyń qalaı qoldanylatynyn túsindirdi.
«Mysaly, medısınalyq kórsetilimder boıynsha qandaı da bir erekshelikter qarastyryla ma? Mundaı jaǵdaılar naqty quqyq buzýshylyqtan is júzinde qalaı ajyratylady?» dep surady jýrnalıster vıse-mınıstrden.
– Árbir jaǵdaı jeke-jeke qaralady. Aıtalyq, tumaý indeti bolyp, siz betperde taǵyp júrseńiz, qandaı suraq bolýy múmkin? Áńgime múlde basqa jaıttar týraly. Shartty túrde aıtsaq, esterińizde bolar: Almatyda fýtbol jankúıerleri maska kıip, faerler jaǵyp, balaǵat sózder aıtyp, jalpy alǵanda bir marshtaǵydaı áreket etken jaǵdaılar kóp boldy. Bul durys emes. Biz dál osyndaı jaǵdaılardy aıtyp otyrmyz. Jigitter, eger zań buzǵyńyz kelse, bilip júrińizder, bizdiń kameralar sizderdi kórip tur, tanyp qoıady, erteń-aq tabamyz. Biz olardy qazirdiń ózinde taýyp júrmiz, biraq endi bul áldeqaıda ońaı bolady, - dep túsindirdi vıse-mınıstr.
Aıtýynsha, hattama burys toltyrylǵan jaǵdaıda anyqtama kórsetýge bolady.
– Al eger siz shynymen aýyryp júrseńiz, árıne, hattama toltyrylýy múmkin, biraq sońynda aýrý ekenińizdi rastaıtyn anyqtama kórsete alasyz. Bizdiń oıymyzsha, bári aqylǵa qonymdy túrde júzege asady, – dedi Igor Lepeha.
