Foto: istockphoto.com
«Qazgıdromet» derekterine sáıkes, Astanada qar jaýyp, burqasyn bolyp jáne jeldiń ekpini sekýndyna 20 metrge deıin jetedi dep kútiledi. Osyǵan baılanysty, kórermenderdiń qaýipsizdigi men jabdyqtardyń saqtalýyn qamtamasyz etý maqsatynda drondardyń barlyq ushýlary ýaqytsha toqtatyldy.
Degenmen, jańajyldyq festıval aıasyndaǵy basqa da is-sharalar bekitilgen keste boıynsha ótedi:
- Saǵat 17:30-da negizgi alańdarda merekelik konsertter bastalady;
- Qalanyń alty aýdanynda bir mezette 40-tan astam shyrshanyń shamdary jaǵylady.
Buǵan deıin is-sharalar ótetin ýaqytta «Astana Arena» stadıonynyń mańynda kólik qozǵalysyna ýaqytsha shekteý engiziletinin habarlaǵan edik.
