Foto: egemen.kz/ Erlan Omar
Ulttyq statıstıka bıýrosynyń málimetinshe, atalǵan toqsanda jan basyna shaqqandaǵy jalpy tabys 364,5 myń teńgeni nemese aıyna 121,5 myń teńgeni quraǵan. Al bir qazaqstandyqtyń ortasha shyǵyny toqsanyna 224 500 teńge nemese aıyna 108 100 teńge bolǵan.
Toqsandyq shyǵynnyń jartysynan astamy – 169 800 teńge azyq-túlikke jumsalǵan. Onyń ishinde etke – 54 800 teńge, jemis-jıdekke – 26 300 teńge, nan men jarma ónimderine – 22 500 teńge shyǵyndaǵan.
lsm.kz keltirgen derek boıynsha, eldiń bir turǵyny úsh aıda ortasha eseppen azyq-túlik emes taýarlarǵa 69 100 teńge jumsaıdy. Onyń basym bóligi kıim men aıaq kıimge (21 900 teńge), jıhaz ben turmystyq tehnıkaǵa (12 500 teńge), dári-dármekke (4 400 teńge) tıesili eken.
Qazaqstandyqtar toqsan saıyn aqyly qyzmetke 58 000 teńge arnaıdy, onyń 14 800 teńgesi kommýnaldyq qyzmetke, 10 900 teńgesi baılanysqa (uıaly jáne ınternet), 8 100 teńgesi kólikke ketken.
Al nesıe men qaryzdy jabý úshin bir adam toqsanyna orta eseppen 21 000 teńge jumsaǵan.
Nesıe men qaryz úshin qarjysyn kóp shyǵyndaıtyn óńirler ishinde Ulytaý (67 400 teńge), Qaraǵandy oblystary (50 200 teńge), Astana qalasy (38 200 teńge) bar.
Al nesıege eń az somany Almaty (8300 teńge), Mańǵystaý oblysy (6300 teńge), Jambyl oblysy (6100 teńge), Shymkent (3500 teńge) turǵyndary jumsaǵan.
Sondaı-aq qazaqstandyqtar toqsan saıyn – 477 myń teńge salyq, 6 myń teńge kóleminde alıment óteıdi.
