Sýret: zakon.kz
О́zi de sanqyrly hám taǵdyrly adam edi. Ǵajap ǵumyr keshti. Kóptegen qıyndyqty, jaýyńa da tilemeıtin qıyndyqtardy bastan ótkerdi. Ol qıyndyqtyń bárin halyqtyń mahabbaty arqyly jeńdi. О́zi kúresker adam. Táńirden berilgen kól-kósir talant, soǵan qosa bul adamǵa minez bermese, rýh bermese synyp ketýi ábden múmkin-di. Ásirese talantty adamnyń jany názik bolady. Oǵan qosa, bul kisige alapat minez bergen ǵoı. Sonyń arqasynda barlyq qıyndyqty jeńdi. Tik júrdi, tik turdy.
О́zi aıtatyn trılogııasy: «Qyz Jibek», «Atamannyń aqyry», «Transsibir ekspresi» bar da Asanáli Áshimulynyń aty eshqashan óshpeıdi. Bıikteı beredi, jyl ótken saıyn saǵynatyn bolamyz.
As-aǵań ǵajap kitaptar jazdy. «Meniń janrym kúndelik» degen kitabynyń ózi úsh tomǵa toldy. Taıaýda «Aktermin men myń ólip, myń tirilgen» degen kitaby jaryq kórdi. Onyń syrtynda sol kitaptyń qalyńdyǵyndaı alty dápter qaldy. Kókiregi kómbe, qazyna kisi edi. Osynshama telegeı teńiz, janyńa jaqyn adam týraly mundaıda tereń sóz aıtý qıyn, árıne.
О́tken ǵasyrdyń orta sheni, osy ǵasyrdyń basynan beri mundaı tanymaldylyqqa ıe bolǵan tulǵalar óte sırek. Asekeń sol sanaýly sanatkerdiń biri demeske qoımaıdy. Qazaq óneriniń qarashańyraǵy ákem teatry atalǵan Áýezov teatry desek, Asekeń sonyń altyn ǵasyryn jasaǵan tulǵalardyń biri.
Qaltaı Muhamedjanov aıtatyn, «Asanáli – ult rýhanııatynyń pasporty», dep. Shyn máninde solaı edi. Memlekettiń maqtanyshy, eldiń baılyǵy ispetti tulǵa. Jáne sol bıikte qaldy, qala da beredi. Ol týraly áli talaı jazatyn bolamyz.
Ekeýmizdiń shyǵarmashylyq baılanysymyz týraly jurttyń bári jaqsy biledi. Maǵan rýhanı áke boldy. Osynshalyqty bıigi bizdi de, ózin de, bárimizdi ósirdi.
Rýhyńyz shat bolsyn, qadirli aǵa!
Qalı Sársenbaı,
jýrnalıst, qoǵam qaıratkeri
