Eń joǵary ósim soltústik óńirler men iri qalalarda baıqalady. Ońtústik oblystarda baǵa baıaý kóterilgenimen, ol jaqta da ósim 10 paıyzdan tómen túspegen.
О́nim túrleri ishinde eń qatty qymbattaǵany – shokolad. Onyń baǵasy bir jylda 30 paıyzdan astam ósken. Kámpıtter men zefır sııaqty ózge táttiler de aıtarlyqtaı qymbattaǵan. Karamel men marmeladtaǵy ósim salystyrmaly túrde tómen.
Baǵa ósimimen qatar, elde tátti ónimder óndirisi qysqaryp otyr. Bıylǵy jyldyń 11 aıynda óndiris kólemi ótken jylmen salystyrǵanda azaıǵan. Bul naryqtaǵy usynystyń tómendeýine jáne baǵanyń joǵarylaýyna yqpal etip otyr.