Is-sharaǵa Halyqaralyq valıýta qory men Dúnıejúzilik bank tobynyń ókilderi, sondaı-aq Vashıngton qalasynda turatyn otandastar qatysty. Saltanatty bóliginde elimizdiń áleýmettik-ekonomıkalyq damýynyń serpindi qarqynyna, onyń jahandyq qarjy-ekonomıkalyq yntymaqtastyq júıesindegi róliniń artyp kele jatqanyna erekshe nazar aýdaryldy.
Quttyqtaý sózdi atalǵan qordyń atqarýshy dırektory Patrık Loshevskı Qazaqstannyń Qor qyzmetine qosqan úlesin joǵary baǵalap, aldaǵy ózara is-qımyldyń negizgi basymdyqtaryn atap ótti. Qazaqstannyń AQSh-taǵy elshisi Maǵjan Ilııasov halyqaralyq qarjy ınstıtýttarymen yntymaqtastyqtyń eldiń turaqty damýyn qamtamasyz etý turǵysyndaǵy strategııalyq mańyzyn atap ótip, elimizdiń jahandyq ekonomıkalyq arhıtektýradaǵy senimdi ári jaýapty áriptes retindegi róline erekshe toqtaldy.
Sonymen birge Dúnıejúzilik bank ókili, Atqarýshy dırektordyń orynbasary Marıýsh Krýkovskıı de pikir bildirip, ekonomıkalyq ósýdi jáne óńirlik damýdy kózdeıtin birlesken bastamalardy keńeıtý keleshegine toqtaldy. Is-sharanyń sońynda qonaqtar dástúrli qazaq dastarqanynan dám tatyp, «Gúlder» bı ansambliniń ónerin tamashalap, dombyrada oryndalǵan klassıkalyq kúılerdi tyńdady.
