Astanovka98 Telegram-arnasynda Astanadaǵy «Dıplomat» turǵyn úı kesheniniń janynda ornalasqan meıramhanadan shyqqan órttiń vıdeosy jarııalandy.
Áleýmettik jelilerde taraǵan kadrlarǵa qaraǵanda, iri turǵyn úı kesheniniń birinshi qabatynda ornalasqan meıramhana órtengen. Kýágerlerdiń aıtýynsha, qalyń qara tútin búkil turǵyn úı kesheniniń aınalasyn basyp qalǵan.
Keıinirek oqıǵaǵa qatysty Tótenshe jaǵdaılar mınıstrliginiń baspasóz qyzmeti pikir bildirdi.
«Qazirgi ýaqytta TJM órt sóndirýshileri Astana qalasy Dinmuhamed Qonaev kóshesinde ornalasqan meıramhananyń shatyryndaǵy órtti sóndirip jatyr. Oqıǵa ornynda qutqarýshylar kúsheıtilgen shaqyrtý deńgeıi boıynsha jumys istep jatyr. 112 nómirine zardap shekkender týraly aqparat túsken joq», delingen habarlamada.
Keıinirek TJM qyzmetkerleri Dinmuhamed Qonaev kóshesi boıyndaǵy meıramhanalardyń birinde úıdiń syrtqy qaptamasy men jeldetkish júıesiniń jylytqyshy órtengenin aıtty. Zardap shekkender joq.
