Foto: Ashyq derekkóz
О́zbekstan Respýblıkasynyń azamaty T. elimizdiń aýmaǵyna byltyr 10 qazanda kirgen. Ol kóshi-qon týraly zańǵa sáıkes 30 kúntúzbelik kún ótken soń, 10 táýliktiń ishinde elden shyqpaı qalǵan. Osylaısha, byltyrǵy qazannan beri bir jyl boıy elde zańsyz júrgen.
Qurmanǵazy aýdandyq sotynda О́zbekstan Respýblıkasynyń azamaty T-ǵa qatysty Ákimshilik quqyq buzýshylyq týraly kodeksiniń 517-babynyń 4-bóligimen (sheteldiktiń Qazaqstan Respýblıkasynyń halyqtyń kóshi-qony salasyndaǵy zańnamasyn buzýy) ákimshilik quqyq buzýshylyq týraly is qaraldy.
Sheteldiktiń ákimshilik quqyq buzýshylyq jasaǵany óziniń moıyndaý túsiniktemesimen, ákimshilik quqyq buzýshylyq týraly hattamamen jáne basqa da is qujattarymen rastaldy.
«Sot qaýlysymen quqyq buzýshy T. aıyp taǵylǵan bappen kináli dep tanyldy. Oǵan Qazaqstan Respýblıkasynyń sheginen ákimshilik jolmen shyǵaryp jiberý túrindegi ákimshilik jaza qoldanyldy», dep habarlady aýdandyq sottan.
Sot qaýlysy zańdy kúshine endi.
